06.06.2026 | 15:15
Մոտ 100 ընտրողի տրվել է 100 հազարից մինչև 500 հազար դրամ ընտրակաշառք․ 40 անձ ձերբակալվել է
Ղազախստանի իշխանությունները մի քանի ժամով դադարեցրել են yandex.kz դոմեյնի գործունեությունը
Քաղաքականություն
10.08.2023 | 13:05
Ղազախստանում մի քանի ժամով դադարեցվել է Yandex-ի տեղական դոմեյնի աշխատանքը՝ ռեսուրսի ապարատային և ծրագրային համալիրների՝ երկրի տարածքից դուրս գտնվելու հետ կապված, գրում է Tengri News տեղական հրատարակությունը՝ հղում անելով Ղազախստանի թվային զարգացման նախարարության մամուլի ծառայությանը, փոխանցում է Meduza-ն։
Նախարարությունը հայտնել է, որ հարցում է ուղարկել Yandex-ին՝ խնդրելով մանրամասն տեղեկություններ տրամադրել տվյալների մշակման կենտրոնների գտնվելու վայրի, Ղազախստանի քաղաքացիների անձնական տվյալների պաշտպանությանն ուղղված միջոցառումների և իրավապահ մարմինների հետ փոխգործակցության մասին։
Իր հերթին Yandex-ի մամուլի ծառայությունում Forbes-ին հայտնել են, որ ընկերությանը հաջողվել է վերականգնել մուտքը դեպի տիրույթ՝ չհստակեցնելով, թե ինչպես է դա արվել։ Ընկերությունը նաև հավելել է, որ իրենք շարունակում են երկխոսությունը ղազախական կարգավորող մարմնի հետ՝ Ղազախստանի օրենքների պահանջների շրջանակներում «անհրաժեշտ լուծումներ մշակելու» նպատակով։
Հիշեցնենք, Yandex-ի գործունեության շուրջ մտահոգություններ են առաջացել մի շարք երկրներում, այդ թվում՝ Հայաստանում, որտեղ գործում է Yandex Go տաքսի ծառայությունը։ Խնդիրն այն է, որ ուղերթերի մասին տվյալները պահվում են Մոսկվայի, Ռյազանի և Վլադիմիրի շրջանների ռուսական տվյալների կենտրոններում, իսկ սեպտեմբերի 1-ից ԱԴԾ-ն հասանելիություն կունան այս տվյալներին 24/7 ռեժիմով։
