04.06.2026 | 10:34
Իսրայելն ու Լիբանանը համաձայնության են եկել հրադադարի շուրջ․ ԱՄՆ Պետքարտուղարություն
Նորվեգացի ֆուտբոլիստը խզել է պայմանագիրը ռուսական ակումբների հետ ու հեռացել՝ Մոսկվայի վրա ԱԹՍ-ներով հարձակումների պատճառով
Քաղաքականություն
10.08.2023 | 13:49
Ռուսական «Ռոստով» ֆուտբոլային ակումբի նորվեգացի կիսապաշտպան Մատիաս Նորմանը, որը հանդես էր գալիս նաև Մոսկվայի «Դինամո»-ում, միակողմանի խզել է պայմանագիրը ֆուտբոլային ակումբների հետ և հեռացել Ռուսաստանից։ Այս մասին հայտարարել է «Դինամո»-ի գլխավոր տնօրեն Պավել Պիվովարովը, գրում է Meduza-ն։
Նրա խոսքով՝ պայմանագրի խզման պատճառը հուլիսի 30-ին և օգոստոսի 1-ին «Մոսկվա Սիթիի» վրա ԱԹՍ-ներով հարձակումներն են։
«Նորմանը «Ռոստով» և «Դինամո» ակումբներ պայմանագրերի խզման հայտարարություն է ուղարկել։ Նա հեռացել է երկրից «Մոսկվա Սիթիի» վրա անօդաչուների հարձակման իրավիճակի պատճառով։ Անդրադառնալով այս հանգամանքներին՝ նա երկրից հեռացել է, իբր, անվտանգության նկատառումներով։ Մենք համաձայն չենք նրա դիրքորոշման հետ, «Ռոստովի» հետ միասին կդիմենք արբիտրաժային դատարան»,- ասել է Պիվովարովը։
Նա նաև հավելել է, որ Նորմանը բնակվել է «Մոսկվա Սիթիի» մոտ, բայց դա եղել է նրա ընտրությունը։
Ըստ Պիվովարովի՝ ֆուտբոլիստն օգտագործել է իրավիճակը որպես պատրվակ՝ պայմանագիրը խզելու և ակումբից անվճար հեռանալու համար։ Պայմանագրի ժամկետը «Դինամոյի» հետ ավարտվում է հաջորդ շաբաթ։
Էմմա Չոբանյան
