17.03.2026 | 18:03
Մասկատում տեղի է ունեցել Հայաստանի և Օմանի ԱԳ նախարարների հանդիպումը
«Վնուկովո» և «Դոմոդեդովո» օդանավակայանում գիշերը տասնյակ չվերթներ են հետաձգվել
Քաղաքականություն
10.08.2023 | 10:53
Մոսկվայի «Վնուկովո» և «Դոմոդեդովո» օդանավակայանները գիշերը թռիչքների սահմանափակումներ են մտցրել, հայտնում են ռուսական լրատվամիջոցները։ Այս պահին օդանավակայնները բնականոն գործում են։
«Վնուկովոյի» մամուլի ծառայությունից ՌԻԱ Նովոստիին հայտնել են, որ սահմանափակումները սահմանվել են «օդանավակայանի վերահսկողությունից անկախ պատճառներով», իսկ «Դոմոդեդովո»-ից ասել են, որ դա արվել է «թռիչքի անվտանգության լրացուցիչ միջոցառումներ ապահովելու նպատակով»։
Դատելով Flightradar 24 ծառայության տվյալներից՝ ընդհանուր առմամբ մի քանի տասնյակ չվերթ է հետաձգվել։ Սահմանափակումները գործել են մոտավորապես ժամը 2-ից մինչև 5-ը։
Ռուսական Telegram ալիքները հայտնել են, որ նման սահմանափակումները սովորաբար գործում են անհայտ ինքնաթիռների կամ այլ օբյեկտների հայտնաբերման դեպքում, որոնք կարող են վտանգ ներկայացնել երկնքում:
Հիշեցնենք՝ վերջին շրջանում Մոսկվայի տարբեր օբյեկտներ պարբերաբար ԱԹՍ-ների հարձակման են ենթարկվում։
