24.07.2026 | 23:45
Գագիկ Ծառուկյանի նկատմամբ նոր հանրային քրեական հետապնդում է հարուցվել. փաստաբան
Ասադը հրաժարվել է հանդիպել Էրդողանի հետ թուրքական կողմի պայմաններով
Քաղաքականություն
09.08.2023 | 21:05
Սիրիայի նախագահ Բաշար ալ-Ասադը հայտարարել է, որ Թուրքիայի նախագահ Ռեջեփ Թայիփ Էրդողանի հետ հանդիպումը չի կարող տեղի ունենալ «վերջինիս պայմաններով»։ Այս մասին նա ասել է Sky News Arabia-ին տված հարցազրույցում, գրում է Duvar-ը։
Էրդողանը հուլիսի 17-ին հայտարարել էր, որ բաց է Ասադի հետ հանդիպման համար, սակայն Սիրիայի տարածքից թուրքական զորքերի դուրսբերումը որպես բանակցությունների նախապայման դնելն «անընդունելի է»։
«Հանդիպումը չի կարող տեղի ունենալ Էրդողանի պայմաններով»,- ասել է Ասադը։
Նա հավելել է, որ, այնուամենայնիվ, այլ մակարդակներում շփումները շարունակվում են։
Ռուսաստանը, որն աջակցում է Թուրքիայի և Սիրիայի հետ հարաբերությունների կարգավորմանը, բացի երկու երկրների Պաշտպանության նախարարների միջև բանակցությունների անցկացումից՝ մայիսին նաև հյուրընկալել էր Թուրքիայի այն ժամանակվա արտգործնախարար Մևլութ Չավուշօղլուի և նրա սիրիացի գործընկեր Ֆեյսալ Մեքդադի հանդիպումը, որոնք անցկացրել էին իրենց առաջին բանակցությունները 2011 թվականից ի վեր։
Էմմա Չոբանյան
