07.10.2026 | 23:48
Արթուր Դանիելյանը կալանավորվեց
ՌԴ-ի ռազմական անվտանգությանը սպառնացող վտանգներն արևմտյան և հյուսիսարևմտյան ռազմավարական ուղղություններով աճել են. Շոյգու
Քաղաքականություն
09.08.2023 | 18:04
ՌԴ պաշտպանության նախարար Սերգեյ Շոյգուն գերատեսչության կոլեգիայի նիստում ասել է, որ Ռուսաստանի ռազմական անվտանգությանը սպառնացող վտանգներն արևմտյան և հյուսիսարևմտյան ռազմավարական ուղղություններով բազմապատկվել են, գրում է BBC-ի ռուսական ծառայությունը։
Նրա խոսքով՝ շուրջ 360 հազար զինծառայողներ, հաշվի առնելով արևելյան Եվրոպայի երկրների զինված ուժերը, տեղակայված են Միութենական պետության (Ռուսաստան և Բելառուս) սահմանների մոտ։
«Այսօր մենք կքննարկենք Լենինգրադի և Մոսկվայի ռազմական շրջանների ստեղծման հետ կապված հարցեր՝ մեր արևմտյան սահմաններում ՌԴ ԶՈւ զորքերի խմբավորումների միաժամանակյա հզորացման համար»,- ասել է պաշտպանության նախարարը։
Շոյգուն նկարագրել է այն սպառնալիքը, որը, իբր, ներկայացնում է Լեհաստանը տարածաշրջանի համար։ Ըստ պաշտոնյայի՝ Վարշավան նախատեսում է ստեղծել լեհ-ուկրաինական կապ՝ իբրև թե անվտանգության, բայց «իրականում Արեւմտյան Ուկրաինայի օկուպացիայի համար»։
Արևմտյան Ուկրաինայի շրջանները գրավելու Լեհաստանի ծրագրերի մասին չհիմնավորված տեսություն է առաջ քաշվել նաև Ռուսաստանի նախագահ Վլադիմիր Պուտինի կողմից։
