07.10.2026 | 23:48
Արթուր Դանիելյանը կալանավորվեց
ՆԱՏՕ-ն Բելառուսում «Վագներ» ռազմական խմբավորման կողմից սպառնալիք չի տեսնում
Քաղաքականություն
09.08.2023 | 15:55
ՆԱՏՕ-ն վերահսկում է ռազմական գործողությունները Բելառուսում, սակայն դաշնակիցների համար ուղղակի կամ անուղղակի սպառնալիք չի տեսնում «Վագներ» ռազմականացված խմբավորման կողմից: Այս մասին ասել է ՆԱՏՕ-ի խոսնակ Օանա Լունգեսկուն, փոխանցում է DW-ի ռուսական ծառայությունը։
Ի պատասխան Ռուսաստանի ագրեսիվ գործողությունների՝ ՆԱՏՕ-ն ուժեղացրել է իր պաշտպանական ներկայությունը արևելյան թևում և շարունակում է անել ամեն ինչ՝ ցանկացած սպառնալիք զսպելու և դաշինքի տարածքի յուրաքանչյուր սանտիմետրը պաշտպանելու համար, ընդգծել է լրատվամիջոցի զրուցակիցը։
Օգոստոսի 7-ին Բելառուսը զորավարժություններ է սկսել Լեհաստանի և Լիտվայի հետ սահմանների մոտ։ Միաժամանակ, Բելառուսի Պաշտպանության նախարարությունը հայտնել է, որ այդ զորավարժությունները հիմնված են «հատուկ ռազմական գործողության» (այսինքն՝ Ուկրաինայի դեմ Ռուսաստանի պատերազմի) արդյունքում ձեռք բերված փորձի վրա։
Զորավարժությունները տեղի են ունենում Գրոդնոյի մարզում, այսպես կոչված, Սուվալկի միջանցքից ոչ հեռու՝ հարյուր կիլոմետրից պակաս երկարություն ունեցող տարածք, որը կապում է Լեհաստանն ու Լիտվան և բաժանում է ՌԴ Կալինինգրադի մարզը Բելառուսից։
