01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
ՌԴ արտակարգ ծառայությունները հայտնել են Սերգիև Պոսադում միջադեպի նախնական պատճառը
Քաղաքականություն
09.08.2023 | 15:03
ՌԴ Արտակարգ իրավիճակների ծառայության ներկայացուցիչների տեղեկությունների համաձայն՝ Սերգիև Պոսադում հզոր պայթյուն է տեղի ունեցել մի պահեստում, որտեղ պահվում էին «պիրոտեխնիկական ապրանքներ»։
Պայթյունի նախնական պատճառ է նշվում «մարդկային գործոնը», գրում է BBC-ի ռուսական ծառայությունը։
Մինչ այդ, Սերգիև Պոսադի քաղաքային իշխանությունների տվյալներով՝ Զագորսկի օպտիկական և մեխանիկական գործարանում տեղի ունեցած պայթյունից հետո արդեն բուժօգնության է դիմել 35 մարդ։ Նրանցից 19-ը մնում են հիվանդանոցներում, չորսի վիճակը գնահատվում է ծանր։
Պայթյունի պատճառը, ըստ Մոսկվայի մարզի իշխանությունների, եղել է տեխնոլոգիական գործընթացների խախտումը։ Դեպքի վայր են մեկնել քննիչներն ու քրեագետները, ովքեր կպարզեն դեպքի բոլոր հանգամանքները։
Տեղի բնապահպանական ծառայությունները հայտնում են, որ օդում վնասակար նյութերի ավելցուկ չի նկատվել։
