25.02.2026 | 23:13
Չինաստանն ու Գերմանիան պետք է ամրապնդեն ռազմավարական հաղորդակցությունը. Մերցը հանդիպել է Սի Ցզինպինին
Պոկրովսկում ՌԴ հարվածը 9 մարդու կյանք է խլել, 82-ը վիրավորվել է․ Զելենսկի
Քաղաքականություն
09.08.2023 | 12:46
Դոնեցկի մարզի Պոկրովսկի վրա ռուսական հրթիռային հարձակման հետևանքով ինը մարդ է զոհվել, երեկոյան ելույթի ժամանակ ասել է Ուկրաինայի նախագահ Վլադիմիր Զելենսկին։ Ավելի վաղ հաղորդվում էր յոթ զոհի մասին, գրում է BBC-ի ռուսական ծառայությունը։
«Ինը մարդ է մահացել։ Ցավակցում եմ ընտանիքների անդամներին և ընկերներին: 82 մարդ վիրավոր է։ Յուրաքանչյուր ոք ստանում է անհրաժեշտ օգնություն։ Վիրավորների թվում կա երկու երեխա՝ երկու տղա, որոնցից մեկի վիճակը ծանր է։ Նրա անունը Նիկիտա է, երեխան ընդամենը 11 տարեկան է, 6-րդ դասարանի աշակերտ»,- ասել է Զելենսկին։
Նա շնորհակալություն է հայտնել փրկարարական գործողության մասնակիցներին և նշել, որ երկրորդ հարվածը հասցվել է, երբ դեպքի վայր են ժամանել փրկարարները։
