07.10.2026 | 22:33
Երևանի և 9 մարզի մի շարք հասցեներում էլեկտրաէներգիայի անջատումներ կլինեն
Թուրքիայում յուրաքանչյուր 10 քաղաքացուց 7-ը չի կարողանում հանգստի մեկնել տնտեսական ճգնաժամի պատճառով
Քաղաքականություն
08.08.2023 | 23:30
Թուրքիայի Սպառողների ասոցիացիան հրապարակել է հանգստի վերաբերյալ քաղաքացիների նախասիրությունների վերաբերյալ հարցման արդյունքները։ Դրանց համաձայն՝ աճել է այն մարդկանց թիվը, որոնք չեն կարողանում հանգստի մեկնել տնտեսական ճգնաժամի պատճառով։ Հարցման մասնակիցների 71,76 տոկոսը հայտնել է, որ ֆինանսական հնարավորություններ չունի արձակուրդ գնալու համար, ինչը 2 տոկոսով ավելին է անցյալ տարվա համեմատ, գրում է Diken-ը։
Նշվում է նաև, որ նվազել է այն թուրքերի թիվը, որոնք պատրաստվում են իրենց հանգիստն անցկացնել արտասահմանում։ Հարցման մասնակիցների մոտ 3,13 տոկոսը հայտնել է, որ մտադիր է հանգստի մեկնել արտերկիր, մինչդեռ անցյալ տարի այդ ցուցանիշը կազմել է 4,1 տոկոս:
Սպառողների ասոցիացիայի ղեկավարն ասել է, որ այս տվյալները բացահայտում են Թուրքիայի վատթարացող տնտեսական պայմանները։
«Սպառողները ջանք են գործադրում իրենց առաջին անհրաժեշտության կարիքները հոգալու համար, և գնաճի ու արտարժույթի փոխարժեքի բարձրացման պատճառով արձակուրդ գնալը որոշ սպառողների համար երազանք է դարձել»,- ասել է Յունուս Էմրե Բիթմեզը։
Նա, միաժամանակ, նշել է, որ արձակուրդն ու հանգիստը յուրաքանչյուր աշխատողի սահմանադրական իրավունքն է։ Եվ այն, որ միլիոնավոր քաղաքացիներ չեն կարողանում օգտվել իրենց սահմանադրական իրավունքից, իրավունքների համատարած խախտում է։
Էմմա Չոբանյան
