15.01.2026 | 17:38
ՄԻՊ ներկայացուցիչները առանձնազրույցներ են ունեցել Բաքվի գերությունից վերադարձածների հետ
Մեր շահերն ու մեր հայրենակիցներին զոհում ենք, որ ՌԴ-ն կրկին չպատռի իր դիմակը․ Արա Պապյանը՝ ՀՀ-ի կողմից ՄԱԿ-ի ԱԽ չդիմելու մասին․ ՏԵՍԱՆՅՈՒԹ
Քաղաքականություն
08.08.2023 | 20:02
Ակնհայտ էր՝ ռուսները ոչինչ չէին անելու․ ո՛չ դրա կարողությունն ունեն, ո՛չ քաղաքական որոշում կա դա անելու։ Factor TV-ին տված հարցազրույցում նման կարծիք հայտնեց ՀՀ արտակարգ և լիազոր դեսպան, քաղաքագետ Արա Պապյանը՝ անդրադառնալով Արցախի «Հեղափոխական» կուսակցության ղեկավար Արթուր Օսիպյանի՝ դեպի Հակարիի կամուրջ նախատեսվող խաղաղ երթի մասնակիցների անվտանգությունն ապահովելու մասին ռուսական խաղաղապահ զորախմբի հրամանատարին ուղղված նամակին ստացված բացասական պատասխանին։
«2020 թվականի նոյեմբերի 9-ի հայտարարության դրույթների համաձայն՝ ՌԴ խաղաղապահ զորախմբի կողմից ավտոերթի շարասյան կազմում ավտոմեքենաների ուղեկցում, ինչպես նաև տարատեսակ բողոքի ցույցերի ու ակցիաների անվտանգության ապահովում նախատեսված չէ»,- ասվում է խաղաղապահների հրամանատարությունից ստացված պատասխանում։
Արա Պապյանի հետ զրույցում անդրադարձել ենք նաև Արցախում ստեղծված իրավիճակից ելքի տարբերակների, ՄԱԿ-ի Անվտանգության խորհուրդ դիմելու անհրաժեշտության, Բաքվի կողմից Լաչինի միջանցքը բացելու մասին Արդարադատության միջազգային դատարանի որոշումը չկատարելու, Հարավային Կովկասում շահերի, տարածաշրջանից Ռուսաստանի հեռանալու և հարցերի շուրջ։
Հարցազրույցն ամբողջությամբ՝ տեսանյութում։
Թամարա Հակոբյան
