09.12.2025 | 23:31
Եվրոպական հանձնաժողովը հետաքննություն է սկսել Google-ի դեմ
Պետք է թույլ չտանք, որ այդ հրդեհները մեծ տարածում ունենան․ Սևակ Մարկոսյան․ ՏԵՍԱՆՅՈՒԹ
Տնտեսություն
08.08.2023 | 11:52
«Հայանտառ» ՊՈԱԿ-ին տրվում է անձեռնմխելի վառելիքի պաշար, որը, ըստ անհրաժեշտության, այս սեզոնին նախատեսված միջոցառումների շրջանակում օգտագործվում է։ Այս մասին «Առաջիկա օրերին Արարատյան դաշտում և Երևանում կանխատեսվում է մինչև +40․․․+42 աստիճան տաքություն․ հրդեհային անվտանգության խնդիրներ» թեմայով ասուլիսում ասաց ՀՀ շրջակա միջավայրի նախարարության Անտառային կոմիտեի «Հայանտառ» ՊՈԱԿ-ի տնօրեն Սևակ Մարկոսյանը։
Նրա խոսքով՝ անտառապահները հերթապահություն են սկսել իրականացնել.«Փրկարար ծառայության մեր գործընկերների հետ իրականացնում ենք բնակիչներին տեղեկատվության տրամադրում, բացատրական աշխատանքներ՝ փորձելով ամեն ինչ անել, որպեսզի զերծ մնան այս չոր և տաք եղանակին խորովածի համար կրակ կամ խարույկ վառելուց»։
«Կարողանում ենք ԱԻՆ-ի հրշեջ ծառայության աշխատակիցների հետ շատ արագ արձագանքել հրդեհների բռնկման դեպքում և համատեղ ուժերով հրդեհաշիջման աշխատանքներ իրականացնել․․․
Շատ դեպքերում հրդեհներն ունենում են մարդածին բնույթ, և ներթափանցում են անտառային շերտեր։ Պետք է թույլ չտանք, որ այդ հրդեհները մեծ տարածում ունենան»,- նշեց «Հայանտառ» ՊՈԱԿ-ի տնօրենը։
Մանրամասները՝ տեսանյութում։
