27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
ԱՄՆ-ը պաշտոնապես հավանություն է տվել Ուկրաինային Abrams տանկերի առաջին խմբաքանակի մատակարարմանը
Քաղաքականություն
08.08.2023 | 14:04
Ուկրաինային Abrams տանկերի առաջին խմբաքանակի փոխանցումը պաշտոնապես հաստատվել է ԱՄՆ-ի կողմից։ Տանկերն Ուկրաինա կժամանեն աշնան սկզբին։ Այս մասին հայտարարել է ԱՄՆ բանակի գնումների ծառայության ղեկավար Դագ Բուշը, գրում է BBC-ի ռուսական ծառայությունը։
«Դրանք պատրաստ են։ Այժմ պետք է հասցվեն Եվրոպա, այնուհետև՝ Ուկրաինա, այն ամենով հանդերձ, ինչ անհրաժեշտ է դրանց՝ զինամթերք, պահեստամասեր, վառելիքի սարքավորումներ, վերանորոգման միջոցներ։ Այսինքն՝ դրանք միայն տանկեր չեն, սա ամբողջական փաթեթ է»,- ասել է Դագ Բուշը։
Նա, սակայն, չի մանրամասնել, թե քանի տանկ է ներառելու առաջին խմբաքանակը։
ԱՄՆ-ն Ուկրաինային 31 Abrams տանկ փոխանցելու մտադրության մասին հայտարարել էր այս տարվա հունվարին։ Մինչ այժմ դրանք պատրաստվում էին, իսկ մայիսից Գերմանիայում իրականացվում էր ուկրաինացի տանկիստների ուսուցումը։
Էմմա Չոբանյան
