07.10.2026 | 23:48
Արթուր Դանիելյանը կալանավորվեց
Ռուսական «Առաջին ալիքի» նախկին հաղորդավար Մարինա Օվսյաննիկովային ցանկանում են զրկել ծնողական իրավունքից
Քաղաքականություն
08.08.2023 | 14:58
Մոսկվայի դատարան հայց է ներկայացվել «Առաջին ալիքի» նախկին աշխատակից Մարինա Օվսյաննիկովային ծնողական իրավունքից զրկելու պահանջով։ Այս մասին հայտնել է Mediazona պորտալը, գրում է DW-ի ռուսական ծառայությունը։
Մոսկվայի ընդհանուր իրավասության դատարանների պորտալի տվյալների բազայում հայտնված գործի նյութերից երևում է, որ Օվսյաննիկովայի նախկին ամուսինը՝ Russia Today լրատվականի աշխատակից Իգոր Օվսյաննիկովը, հայց է ներկայացրել դատարան։ Նախկին ամուսիններն ունեն որդի և դուստր։ Քաղաքացիական գործի այլ մանրամասներ չեն հաղորդվում։
Mediazona-ն հիշեցնում է, որ 2023 թվականի հունվարին Շչերբինսկի շրջանային դատարանը մասամբ բավարարել է Իգոր Օվսյաննիկովի հայցը, որով նա խնդրել էր նախկին կնոջը զրկել գրանցումից այն բնակարանում, որտեղ նա ապրում է իրենց երկու երեխաների հետ։
Մարինա Օվսյաննիկովայի անունը լայնորեն հայտնի դարձավ, երբ 2022 թվականի մարտին նա «Առաջին ալիքի» լրատվական թողարկման ժամանակ հակապատերազմական պաստառով հայտնվեց կադրում։ Այս ակցիայից հետո նա լքել է Ռուսաստանը, մի քանի ամիս աշխատել Գերմանիայում։ Ավելի ուշ Օվսյաննիկովան վերադարձել է Մոսկվա և մասնակցել մի քանի հակապատերազմական ակցիաների։ Նա երեք անգամ տուգանվել է բանակը «վարկաբեկելու» հոդվածով։
