06.06.2026 | 12:25
Էլինա Ավանեսյանը կիսաեզրափակիչ է դուրս եկել Խորվաթիայում
Սպիտակ տունն աշխատում է Ուկրաինային լրացուցիչ ֆինանսավորում տրամադրելու ուղղությամբ. CNN
Քաղաքականություն
08.08.2023 | 12:27
ԱՄՆ նախագահ Ջո Բայդենի վարչակազմն աշխատում է Ուկրաինայի լրացուցիչ ֆինանսավորման փաթեթի ուղղությամբ, որը, հավանաբար, կներկայացվի Կոնգրեսի քննարկմանը մինչև աշուն, հայտնում է CNN-ը՝ վկայակոչելով ԱՄՆ բանակի ձեռքբերման բաժնի պետ Դուգ Բուշին։
«Մենք հույս ունենք ստանալ Կոնգրեսի աջակցությունը՝ շարունակելու ֆինանսավորումը, մասնավորապես, մեծացնելով զինամթերքի արտադրությունը և զինամթերք գնելով Ուկրաինային աջակցելու համար», – ասել է Բուշը:
CNN-ն ավելի վաղ հայտնել էր, որ Սպիտակ տունը չի նախատեսում Կոնգրեսից լրացուցիչ միջոցներ խնդրել Ուկրաինայի համար մինչև ֆինանսական տարվա ավարտը՝ սեպտեմբերի վերջը, ինչի պատճառով որոշ օրենսդիրներ և Կոնգրեսի աշխատակիցներ անհանգստացած են, որ միջոցները կարող են սպառվել մինչև ամառվա կեսը:
Դա տեղի չունեցավ, հիմնականում այն պատճառով, որ Պենտագոնը նախկինում սխալմամբ գերագնահատել էր 6,2 միլիարդ դոլարի ռազմական ծախսերը Ուկրաինայի համար, և այդ գումարները այժմ կարող են ծախսվել Կիևին օգնելու վրա: Այդ միջոցներից 200 միլիոնը կհատկացվի այսօր։
Անցյալ դեկտեմբերին Կոնգրեսը հավանություն տվեց Ուկրաինայի համար լրացուցիչ միջոցների խնդրանքին՝ դրանք պետք է հատկացվեին մինչև 2023 թվականի սեպտեմբերի 30-ը, հիշեցնում է CNN-ը։
