Ջրհեղեղներ ու հրդեհներ Եվրոպայում․ մարդկային և նյութական կորուստներ են գրանցվել

Սլովենիայում ջրհեղեղները երկրի ժամանակակից պատմության ամենամեծ աղետն են դարձել, Ավստրիայում գրանցվել է ջրհեղեղից առաջին մահը, հրդեհների պատճառով մարդկանց տարհանում են Իսպանիայի և Ֆրանսիայի սահմանից, գրում է Euronews-ը։

Սլովենիայում աղետալի ջրհեղեղները ճանաչվել են երկրի ժամանակակից պատմության ամենասարսափելի աղետը։ Առնվազն 4 մարդ է մահացել. նյութական վնասը նախնական գնահատվում է 500 մլն եվրո։ Կառավարության տվյալներով՝ երկրի երկու երրորդը տուժել է ջրհեղեղներից ու սողանքներից։

Երկիրն օգնության համար դիմել է ԵՄ-ին և ՆԱՏՕ-ին։ Եվրահանձնաժողովն անմիջապես արձագանքել է՝ Ճգնաժամային կառավարման հարցերով հանձնակատար, Սլովենիայի քաղաքացի Յանեշ Լենարչիչին ուղղակիորեն Լյուբլյանա ուղարկելով անհրաժեշտ միջոցները քննարկելու համար։

Հարևան Ավստրիայում ջրհեղեղից առաջին զոհն է գրանցվել։ Կարինթիայում երկու մարդ ընկել է գետը հեղեղման պատճառով. նրանցից միայն մեկն է փրկվել։ Ուրբաթ Կարինթիայի կեսում ջրհեղեղներ են եղել: Արտակարգ ծառայությունները ստիպված են եղել արձագանքել օգնության և տարհանման բազմաթիվ կանչերի: Իրավիճակը որոշակիորեն կայունացել է հանգստյան օրերին, նշել են տեղական պաշտոնյաները, բայց շատ տարածքներ դեռ հասանելի են միայն նավով կամ ուղղաթիռով:

Միաժամանակ, Պիրենեյան կղզիներում շարունակում են մարել լայնածավալ անտառային հրդեհները։ Կենտրոնական-արևմտյան Պորտուգալիայում մի քանի գյուղեր են տարհանվել։ Հանգստյան օրերին տուժել է 6 մարդ, այրվել է 6,200 հա անտառ։

Իսպանա-ֆրանսիական սահմանին՝ Պորտբուի մոտ, շուրջ 130 մարդ ստիպված է եղել տարհանվել հրդեհների պատճառով։ Կրակը երեք ժամում ծածկել է մոտ 200 հեկտար տարածք և արագ տարածվել՝ ուժեղ քամիների պատճառով: Կիրակի հրշեջները հայտնել են, որ հրդեհը հաջողվել է վերցնել վերահսկողության տակ։