26.06.2026 | 15:10
ՔՊ-ից Ալխաս Ղազարյանը՝ ԱԺ փոխնախագահի պաշտոնի հավակնորդ // Ադրբեջանից բենզին ու դիզվառելիք է գալիս ՀՀ․ ԼՈՒՐԵՐ
Պատերազմի մեկնարկից ԱՄՆ-ի օգնությունն Ուկրաինային գերազանցել է 66 մլրդ դոլարը
Քաղաքականություն
07.08.2023 | 16:44
Ուկրաինա ՌԴ ներխուժման սկզբից ի վեր ԱՄՆ իշխանությունները Կիևին են տրամադրել 66,2 միլիարդ դոլարի ռազմական, ֆինանսական և մարդասիրական օգնություն։ Տվյալները հաշվարկել է The Washington Post-ը, որին վկայակոչում է DW-ի ռուսական ծառայությունը։
Նշվում է, որ այս միջոցների մեծ մասը՝ 44 մլրդ դոլարը, կազմում է ռազմական օգնությունը։
Լրատվամիջոցը գրում է, որ թեպետ ԱՄՆ-ի 2023 թվականի ռազմական բյուջեի ֆոնին (1,77 տրիլիոն դոլար) այս ցուցանիշն աննշան է թվում, այնուամենայիվ, ԱՄՆ-ի աջակցությունն Ուկրաինային զգալիորեն գերազանցում է այլ երկրներին տրվող օգնությունը։
Մասնավորապես, 2022-2023 թվականներին Իսրայելը ԱՄՆ-ից ստացել է 8,6 մլրդ դոլարի, Եգիպտոսը՝ 3,3 մլրդ դոլարի, Հորդանանը՝ 2,9 մլրդ դոլարի օգնություն։
Ամերիկյան օգնությունն Ուկրաինային ամենամեծն է Երկրորդ համաշխարհային պատերազմից ի վեր, երբ 16 դաշնակիցները միջոցներ էին ստացել վերակառուցման համար Մարշալի պլանի համաձայն։
Էմմա Չոբանյան
