11.01.2025 | 12:34
Խաչատրյանի անվան 21-րդ միջազգային մրցույթը կանցկացվի «դիրիժորություն» մասնագիտությամբ
Ռուսաստանը պատրաստ է «իսկապես լուրջ առաջարկների» Ուկրաինայի ճգնաժամի վերաբերյալ. ՌԴ ԱԳՆ
Քաղաքականություն
07.08.2023 | 16:00
«Ռուսաստանը բաց է Ուկրաինայի հակամարտության դիվանագիտական լուծման համար և պատրաստ է պատասխանել իսկապես լուրջ առաջարկներին» , – այս մասին ասվում է ՌԴ ԱԳՆ պաշտոնական ներկայացուցիչ Մարիա Զախարովայի մեկնաբանություններում՝ կապված Ջիդայում Ուկրաինայի հարցերով հանդիպման հետ, փոխանցում է EADaily-ն։
«Ի տարբերություն Կիևի ռեժիմի, որը ընդհատեց և արգելեց Ռուսաստանի հետ բանակցությունները, մենք միշտ բաց ենք եղել և մնում ենք ճգնաժամի դիվանագիտական լուծման համար և պատրաստ ենք արձագանքել իսկապես լուրջ առաջարկներին»,- ասել է Զախարովան՝ հավելելով, որ առանց Ռուսաստանի մասնակցության և նրա շահերը հաշվի առնելու՝ ուկրաինական ճգնաժամի թեմայով ոչ մի հանդիպում նվազագույն արժեք չունի։
Իսկապես համապարփակ, կայուն և արդար կարգավորումը հնարավոր է միայն այն դեպքում, եթե «Կիևի ռեժիմը դադարեցնի ռազմական գործողություններն ու ահաբեկչական հարձակումները, իսկ նրա արևմտյան հովանավորները դադարեցնեն զենքի մատակարարումը Ուկրաինայի ԶՈՒ-ին»,- ասել է Զախարովան։
«Պետք է հաստատվեն Ուկրաինայի ինքնիշխանության սկզբնական հիմքերը՝ նրա չեզոք, ոչ դաշնակցային և ոչ միջուկային կարգավիճակը։ Պետք է ճանաչվեն նոր տարածքային իրողությունները, որոնք ձևավորվել են Ռուսաստանի նոր շրջանների բնակիչների կողմից ՄԱԿ-ի կանոնադրությամբ ամրագրված ինքնորոշման իրավունքի իրագործման արդյունքում, Ուկրաինայի ապառազմականացումն ու դենացիֆիկացիան, նրա ռուսախոս քաղաքացիների և ազգային փոքրամասնությունների իրավունքները պետք է ապահովված լինեն ներքին օրենսդրության և միջազգային իրավունքի պահանջներին համապատասխան»,- հայտարարել է ԱԳՆ ներկայացուցիչը։
