03.04.2026 | 00:12
Վարդան Ղուկասյանի որդու խափանման միջոցը փոխվել է. նա տնային կալանքի տակ է
Ռուսական մարտավարական ավիացիայի արդյունավետությունը նվազել է․ Բրիտանիայի հետախուզություն
Քաղաքականություն
07.08.2023 | 15:09
Բրիտանական ռազմական հետախուզության տվյալներով՝ ռուսական օդուժը շարունակում է մեծ ռեսուրսներ օգտագործել Ուկրաինայում ցամաքային գործողություններին աջակցելու համար, սակայն առանց նշանակալի օպերատիվ ազդեցության, գրում է BBC-ի ռուսական ծառայությունը։
Ամառվա ընթացքում ռուսական մարտավարական ինքնաթիռները սովորաբար օրական ավելի քան 100 թռիչք էին կատարում, սակայն ուկրաինական հակաօդային պաշտպանության սպառնալիքի պատճառով թռիչքները գրեթե միշտ սահմանափակվում էին Ռուսաստանի կողմից վերահսկվող տարածքով, ասվում է հետախուզության ամփոփագրում։
Ռուսաստանը փորձել է լուծել այս խնդիրը՝ ավելի ու ավելի շատ օգտագործելով ազատ անկման ռումբեր՝ պլանավորող սարքավորումներով, որոնք մեծացնում են հեռահարությունը։ Ինքնաթիռները կարող են նման ռումբեր նետել թիրախից բավականին հեռու, սակայն հարվածի ճշգրտությունը միշտ չէ, որ երաշխավորված է։
Ըստ բրիտանական ռազմական հետախուզության ՝ Ուկրաինայի հարավում հարձակման սկզբում ռուսական հարվածային ուղղաթիռները արդյունավետ էին , այնուամենայնիվ, վերջին շաբաթներին դրանց արդյունավետությունը նվազել է:
