Կյանքը փրկող դեղատեսակների սղություն ունենք. ԱՀ նախագահը՝ Արցախի հումանիտար ճգնաժամի մասին․ ՏԵՍԱՆՅՈՒԹ

«Եթե ձևակերպելու լինենք՝ Արցախը մի մեծ համակենտրոնացման ճամբար է, որտեղ Ադրբեջանը իրականացնում է ցեղասպանություն։ Այս մասին Արցախի Հանրային հեռուստաընկերությանը տված հարցազրույցում հայտարարել է Արայիկ Հարությունյանը։

«Հիմա արդեն ունենք նախնական եզրակացություն, որ սա ցեղասպանություն է։ Առողջապահության բնագավառում մենք ունենք դեղորայքի լուրջ պակաս։ Դեղատներում ունենք կյանքը փրկող դեղատեսակների սղություն։ Տարբեր քրոնիկ հիվանդություններից մահվան դեպքերի աճը շարունակվում է։ Օրինակ, արյան շրջանառության համակարգի հիվանդություններից մահվան դեպքերն առաջին կիսամյակում աճել են մոտ երկու անգամ։ Խոցելի են հատկապես հղիները, երեխաներն ու քրոնիկ հիվանդություն ունեցող անձինք, որոնց առողջական վիճակը վատանում է թերսնման, սթրեսի և այլ պատճառներով»,- նշեց Արայիկ Հարությունյանը։

ԱՀ նախագահը հիշեցրել է, որ ինքն Արցախը հայտարարել է աղետի գոտի՝ ակնկալելով, որ միջազգային հանրությունը գոնե հումանիտար աջակցություն կտրամադրի աղետի պայմաններում։

Հարությունյանն Արցախի արձանագրել է, որ Հայաստանը դրան առաջինն է արձագանքել՝ ուղարկելով հումանիտար օգնություն, որով բեռնված բեռնատարները կանգնած է Լաչինի միջանցքի մուտքի , քանի որ Ադրբեջանն արգելում է դրանց մուտքը Լեռնային Ղարաբաղ։

Հարությունյանը նաև նշեց, որ Ադրբեջանի կողմից շրջափակման հետևանքով քայքայվել է Արցախի տնտեսությունը, որը վերականգնելու համար տասնամյակներ են պետք լինելու․ «Այսինքն՝ մենք ականատես ենք լինում ցեղասպանության, որի առումով քայլեր պլանավորում ենք»,- ասել է Արայիկ Հարությունյանը։

Մանրամասները՝ տեսանյութում։