11.12.2024 | 15:43
Ուրսուլա ֆոն դեր Լեյենը պատրաստվում է այցելել Թուրքիա՝ Սիրիայի հարցով Էրդողանի հետ քննարկումների
Ալագյազ գյուղում կկառուցվի Ռոման և Մալխաս Ամոյանների անվան մարզադպրոց
06.08.2023 | 10:04
Հայաստանի Հանրապետությունում մեծ թափով զարգանում են մարզական ենթակառուցվածքները․ այս մասին Համահայկական ամառային 8-րդ խաղերի բացման արարողության ժամանակ իր ելույթում նշեց ՀՀ վարչապետ Նիկոլ Փաշինյանը։
«Գյումրիում կառուցվում է Արթուր Ալեքսանյանի անվան մարզադպրոցը, բոլորովին վերջերս բացվեց Խորեն Հովհաննիսյանի անվան ֆուտբոլի մարզադպրոցը: Կառուցվում է Սիմոն Մարտիրոսյանի անվան ծանրամարտի մարզադպրոցը:
Առաջիկայում կկառուցվեն Ռոման և Մալխաս Ամոյանների անվան մարզադպրոցը Հայաստանի ամենամեծ եզդիաբնակ համայնքում՝ Ալագյազում, կկառուցվի Արթուր Աբրահամի անվան մարզադպրոցը և, ընդհանրապես, նորանոր մարզական ենթակառուցվածքներ, որովհետև սպորտը մեզ համար կարևորագույն նշանակություն ունի, սպորտն է, որ աշխարհի մարզական բարձունքներում ի ցույց է դնում, բարձրացնում է Հայաստանի Հանրապետության պետական դրոշը, հնչեցնում է Հայաստանի Հանրապետության օրհներգը»,- ասել է Փաշինյանը
