07.04.2026 | 09:50
Հրդեհ Քասախ բնակավայրում․ այրվել են աղբամաններ և ավտոմեքենա
Վրաստանում սողանքի հետևանքով կորուստների թիվն ավելանում է․ անհետ կորածների թվում նաև երեխաներ կան․ ԼՈՒՍԱՆԿԱՐՆԵՐ, ՏԵՍԱՆՅՈՒԹ
Քաղաքականություն
04.08.2023 | 18:52
Վրաստանում նախօրեին գրանցված սողանքի հետևանքով զոհերի թիվը հասել է 11-ի։ Այս պահին աղետի գոտուց 210 մարդ է տարհանվել, փոխանցում է Գրուզիա օնլայնը։
Վրաստանի առողջապահության նախարար Զուրաբ Ազարաշվիլիի խոսքով՝ այս պահին Շովիում անհետ կորած է համարվում 25 մարդ։ Նա նշել է, որ աղետի գոտուց դուրս բերված քաղաքացիների առողջությանը վտանգ չի սպառնում։
Նախարարի խոսքով՝ աղետի գոտում մոբիլիզացվել են մի քանի բժշկական խմբեր։
«Ցավոք, անհետ կորածների թվում կան երեխաներ։ Ինչ վերաբերում է բուժօգնությանը, ապա դեպքի վայրում մոբիլիզացվել են տարբեր տեսակի և որակավորման խմբեր։ Ենթակառուցվածքների նախարարությունն այլընտրանքային ճանապարհ է անցկացնում, այդ ճանապարհով մենք կարող ենք հասնել դեպքի վայր»,- ասել է նա։
Հիշեցնենք, որ Շովիում սողանքը տեղի է ունեցել օգոստոսի 3-ին։ Ողբերգության կապակցությամբ օգոստոսի 7-ը հայտարարվել է սգո օր։
