17.08.2026 | 12:52
Եվս 3 հայ բռնցքամարտիկներ երիտասարդական ԵԱ-ի 1/4 եզրափակիչում են
Մեսրոպ Մակյանը չմեկնաբանեց, թե ինչու է հրաժարականի դիմում ներկայացրել ԲԴԽ-ին․ ՏԵՍԱՆՅՈՒԹ
Քաղաքականություն
04.08.2023 | 18:30
Մեսրոպ Մակյանը Factor TV-ի հետ զրույցում չմեկնաբանեց, թե ինչու է հրաժարականի դիմում ներկայացրել ԲԴԽ-ին։
Նշենք, որ Բարձրագույն դատական խորհրդի անդամ Մեսրոպ Մակյանը հունիսի 16-ին հրաժարականի դիմում է ներկայացրել, որն, օրենքով սահմանված կարգով, քննարկվել է ԲԴԽ-ում։
Մեսրոպ Մակյանի լիազորությունները, իր դիմումի համաձայն, այդ օրվանից համարվում են դադարած:
«Մեսրոպ Մակյանը կշարունակի պաշտոնավարումը որպես վերաքննիչ քրեական դատարանում կոռուպցիոն հանցագործությունների գործերով բողոքարկման ենթակա դատական ակտերի վերանայումն իրականացնող առանձին դատավոր»,- նշված էր ԲԴԽ հաղորդագրության մեջ:
Հավելենք՝ Դատավորների ընդհանուր ժողովի օրակարգում այսօր 2 հարց է՝ ԲԴԽ դատավոր անդամի ընտրությունը, որի համար թեկնածություն է առաջադրել մարզային դատարանների երեք դատավոր` Էդգար Հովհաննիսյանը, Սուրեն Մնոյանը և Վարդուհի Հովնանյանը: Օրակարգի հաջորդ հարցը դատավորների գործունեության գնահատման հանձնաժողովի անդամի ընտրությունն է:
Հանձնաժողովի անդամի թեկնածուները երկուսն են` Սարգիս Երիցյան և Գեղամ Մարգարյան: Թեև օրակարգում ներառված չի եղել, բայց դատավորների մեծամասնության ջանքերով օրակարգում ընդգրկվել է նաև ԲԴԽ դատավոր անդամների ետ կանչման հնարավորության վերաբերյալ նախագիծ մշակելու հարցը:
Մանրամասները՝ տեսանյութում։
