07.10.2026 | 23:48
Արթուր Դանիելյանը կալանավորվեց
ՌԴ պատգամավորները սկսելու են երթևեկել «Մոսկվիչ», «Լադա» և «Աուրուս» տեղական արտադրության մեքենաներով․ Վոլոդին
Քաղաքականություն
04.08.2023 | 18:17
Ռուսաստանի Պետդուման պաշտպանել է նախագահ Վլադիմիր Պուտինի որոշումը, որ պաշտոնյաները պետք է վարեն ռուսական արտադրության մեքենաներ։ Այս մասին հայտարարել է Պետդումայի նախագահ Վյաչեսլավ Վոլոդինը, գրում է Meduza-ն։
«Պետք է ինքներս մեզանից սկսենք։ Պետդումայի խմբակցությունների ղեկավարների հետ քննարկել ենք պատգամավորների կողմից հայրենական արտադրության մեքենաների օգտագործման հարցը։ Բոլորն աջակցում են այս որոշմանը։ Մենք պայմանավորվել ենք, որ պատգամավորները կօգտվեն «Մոսկվիչ», «Լադա», «Աուրուս» մեքենաներից»,- ասել է Վոլոդինը։
Նրա խոսքով՝ Ռուսաստանում շուտով վերսկսվելու է «Վոլգա» մեքենաների արտադրությունը, և պատգամավորները ծրագրում են նաև դա վարել։
«Սեպտեմբերից մենք կսկսենք անցնել միայն հայրենական «Մոսկվիչներին», «Լադաներին», ավելի ուշ կլինի «Վոլգան»»,- ասել է Վոլոդինը։
Նա հայտնել է, որ ինքն օգտվում է «Աուրուս»-ից, իսկ ոչ աշխատանքային ժամերին «Մոսկվիչ-3» է վարում։
Հիշեցնենք, որ օգոստոսի 3-ին արտադրական ձեռնարկությունների ղեկավարների հետ հանդիպման ժամանակ ՌԴ նախագահ Վլադիմիր Պուտինը պահանջել էր դադարեցնել պաշտոնյաների համար արտասահմանյան մեքենաների պետական գնումները և ասել, որ երկրի բոլոր պետական աշխատողները պետք է վարեն հայրենական արտադրության մեքենաներ։
Էմմա Չոբանյան
