25.02.2026 | 21:59
Հարություն Պապյանը որոնվում է որպես անհետ կորած
Լեհաստանը և Լիտվան Ռուսաստանի և Բելառուսի կողմից սադրանքների մտավախություն ունեն
Քաղաքականություն
04.08.2023 | 15:32
Լեհաստանի և Լիտվայի առաջնորդները հրատապ հանդիպում են անցկացրել այն տարածքում, որտեղ ՆԱՏՕ-ի անդամ այս երկրները սահմանակից են Բելառուսին և ՌԴ Կալինինգրադի մարզին՝ զգուշացնելով, որ պատրաստվում են Մոսկվայի և Մինսկի կողմից սադրանքների, գրում է VOA-ն։ Հանդիպումը տեղի է ունեցել երկու օր անց այն բանից հետո, երբ բելառուսական երկու ուղղաթիռներ կարճ ժամանակով մուտք են գործել Լեհաստանի օդային տարածք ցածր բարձրության վրա, ինչը դիտվել է որպես սադրանք:
Երկու երկրներն էլ ուժեղացրել են սահմանային անվտանգությունը ռուսական «Վագներ» ռազմականացված խմբավորման Բելառուս ժամանելուց հետո: «Ռուսաստանը և Բելառուսը մեծացնում են ճնշումը սահմանների վրա, ավելացնում են սադրանքների թիվը, և մենք պետք է հասկանանք, որ այդ սադրանքների թիվը կավելանա»,- Լիտվայի նախագահ Գիտանաս Նաուսեդայի հետ մամուլի ասուլիսի ժամանակ ասել է Լեհաստանի վարչապետ Մատեուշ Մորավիեցկին։
Բելառուսի ԱԳՆ-ն հայտարարել էր, թե բելառուսական ուղղաթիռները չեն մտել Լեհաստանի օդային տարածք։
