06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
ՌԴ-ն կրկնապատկում է պաշտպանական ծախսերը՝ հասցնելով բյուջեի մեկ երրորդին
Քաղաքականություն
04.08.2023 | 19:51
Ռուսաստանը կրկնապատկել է 2023 թվականի պաշտպանական նպատակային ծախսերը՝ հասցնելով բյուջեի պլանավորված ծախսերի մեկ երրորդին։ Այս մասին հայտնում է Reuters-ը՝ վկայակոչելով կառավարության փաստաթուղթը, փոխանցում է Meduza-ն։
Գործակալության տվյալներով՝ 2023 թվականի առաջին վեց ամիսներին Ռուսաստանը ծախսել է 14,97 տրիլիոն ռուբլի, որից 5,59 տրիլիոն ռուբլին հատկացվել է պաշտպանությանը, ինչը վեց ամսվա բոլոր ծախսերի ավելի քան 37 տոկոսն է։
Միաժամանակ, պաշտպանական բյուջեում ներառվել է 4,98 տրիլիոն ռուբլի։ Այսպիսով, առաջին վեց ամսում Ռուսաստանը պատերազմի վրա ծախսել է 600 միլիարդով ավելի, քան ծրագրել էր ծախսել ամբողջ տարվա ընթացքում։
Փաստաթղթից նաև հետևում է, որ Ռուսաստանը կես տարում պատերազմի վրա ծախսել է 2023 թվականի համար նախատեսված բոլոր ծախսերի 19,2 տոկոսը։ Փաստաթղթում ներկայացնում է տարեկան 9,7 տրիլիոն ռուբլու պաշտպանական ծախսերի նոր գնահատական, որը կազմում է 29,05 տրիլիոն ռուբլու ընդհանուր ծախսերի մեկ երրորդը։
Լրատվամիջոցը նշում է, որ պաշտպանական ծախսերի ավելացումն ապահովում է ռուսական տնտեսության վերականգնումը՝ ի հաշիվ արդյունաբերական արտադրության աճի, սակայն նման միջոցառումներն արդեն հանգեցրել են բյուջեի դեֆիցիտի։
Էմմա Չոբանյան
