15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Ռուսաստանը փորձում է զենք գնել Հյուսիսային Կորեայից․ Սպիտակ տուն
Քաղաքականություն
04.08.2023 | 17:46
Ռուսաստանը փորձում է ընդլայնել համագործակցությունը Հյուսիսային Կորեայի հետ, մասնավորապես, ցանկանում է արկեր ձեռք բերել Ուկրաինայի դեմ պատերազմում օգտագործելու համար։ Այս մասին հայտարարել է Սպիտակ տան Ազգային անվտանգության խորհրդի համակարգող Ջոն Քիրբին, գրում է Korrespondent-ը։
«Մեզ հասած տեղեկատվությունը վկայում է այն մասին, որ Ռուսաստանը ձգտում է ընդլայնել ռազմական համագործակցությունը ԿԺԴՀ-ի հետ, մասնավորապես, Ռուսաստանին հրետանային արկեր վաճառելու միջոցով»,- ասել է նա։
ՌԴ պաշտպանության նախարար Սերգեյ Շոյգուի՝ ԿԺԴՀ կատարած վերջին այցը Վաշինգտոնում կապում են Հյուսիսային Կորեային զինամթերք վաճառել համոզելու փորձի հետ։
Քիրբին ընդգծել է, որ զենքի մատակարարման վերաբերյալ Մոսկվայի ու Փհենյանի պայմանավորվածությունները խախտում են ՄԱԿ-ի Անվտանգության խորհրդի միանգամից մի քանի բանաձևեր։
Ամերիկացի պաշտոնյան նշել է նաև, որ Վաշինգտոնը կշարունակի ջանքեր գործադրել՝ կանխելու Կրեմլի կողմից երրորդ երկրներից Ուկրաինայի դեմ պատերազմի համար զենք ձեռք բերելու ցանկացած փորձ։ Նրա խոսքով՝ այն, որ Ռուսաստանի Դաշնությունը փորձում է ընդլայնել համագործակցությունը Հյուսիսային Կորեայի հետ, վկայում է Կրեմլի ղեկավար Վլադիմիր Պուտինի հուսահատության մասին։
Ըստ Քիրբիի՝ այն, որ Մոսկվան ստիպված է զենք փնտրել նման երկրներում, վկայում է ռուսական ռազմական մեքենայի վրա արևմտյան պատժամիջոցների ազդեցության մասին։
