07.10.2026 | 23:48
Արթուր Դանիելյանը կալանավորվեց
ԱՄՆ-ը և Ուկրաինան սկսել են անվտանգության երաշխիքների վերաբերյալ համաձայնագրի շուրջ բանակցությունները
Քաղաքականություն
04.08.2023 | 14:49
Ուկրաինան և ԱՄՆ-ն նախօրեին սկսել են անվտանգության երաշխիքների վերաբերյալ երկկողմ համաձայնագրի շուրջ բանակցությունները։ Այս մասին հայտնել է Ուկրաինայի նախագահի աշխատակազմի ղեկավար Անդրեյ Երմակը, գրում է BBC-ի ռուսական ծառայությունը։
Երմակը գլխավորում է այդ բանակցություններում ուկրաինական պատվիրակությունը։ Չի նշվում, սակայն, թե քննարկումներին ով է մասնակցում ամերիկյան կողմից։
Դեռևս հուլիսին Վիլնյուսում ՆԱՏՕ-ի գագաթնաժողովում G7-ի երկրները, այդ թվում՝ ԱՄՆ-ը, հռչակագիր էին ստորագրել Ուկրաինային օգնության և անվտանգության երաշխիքների մասին, և այս հռչակագրում խոսվում էր նման երկկողմանի համաձայնությունների հնարավորության մասին։
«Խորհրդանշական է, որ հենց ԱՄՆ-ը՝ մեր խոշորագույն ռազմավարական գործընկերն է դարձել առաջին երկիրը, որի հետ Ուկրաինան սկսել է այդ գործընթացը։ Այդպիսով, մենք հաջողակ մոդել ենք ստեղծում և մյուս գործընկերների համար»,- գրել է Երմանն իր Տելեգրամի ալիքում։
Ավելի վաղ էլ Պետքարտուղարության մամուլի խոսնակ Մեթյու Միլլերն էր հայտարարել, որ այս շաբաթ Ուկրաինայի և ԱՄՆ-ի միջև սկսվելու են անվտանգության երաշխիքների վերաբերյալ բանակցությունները։
Էմմա Չոբանյան
