Երևանն ու Բաքուն ապաէսկալացիայի վերաբերյալ Մոսկվայի առաջարկները մշակման են վերցրել․ ՌԴ ԱԳՆ

Լուրեր

15.11.2026 | 22:05
Եղիշե Մելիքյանն ամփոփել է Ազգերի լիգայի վերջին խաղը. ՏԵՍԱՆՅՈՒԹ
15.11.2026 | 21:49
Փաշինյանը Կամբոջայում մասնակցել է Ֆրանկոֆոնիայի գագաթնաժողովի մասնակիցների պատվին տրված ընթրիքին
15.11.2026 | 20:27
Էստոնիան դեկտեմբերի 1-ից կփակի Ռուսաստանի հետ սահմանային բոլոր անցակետերը
15.11.2026 | 20:00
Թանկ շենքեր, էժանագին կառավարում․ ո՞ւր են գնում բնակիչների փողերը․ ՏԵՍԱՆՅՈւԹ
15.11.2026 | 19:53
Ազգերի լիգա. Հայաստանի հավաքականը ոչ-ոքիով ավարտեց պայքարը
15.11.2026 | 19:45
Nvidia-ի նախկին ղեկավար Ջենսեն Հուանգը սկանդալի հետևանքով կորցրել է 62 միլիարդ դոլար
15.11.2026 | 19:16
Փաշինյանը Կամբոջայում այցելել է Ֆրանկոֆոնիայի ավանում բացված Հայաստանի տաղավար
15.11.2026 | 18:56
Սևանում սիգի որսի արգելքի խախտման համար նախատեսված է վարչական և քրեական պատասխանատվություն
15.11.2026 | 17:56
Փաշինյանը Ֆրանկոֆոնիայի գագաթնաժողովում խոսել է հայ-ադրբեջանական խաղաղության գործընթացից
15.11.2026 | 17:19
Փաշինյանն ու Մոլդովայի վարչապետը քննարկել են Երևան-Քիշնև ուղիղ ավիաչվերթների կազմակերպման հարցը
15.11.2026 | 17:03
Էդգար Սևիկյանը լքել է Հայաստանի հավաքականի ճամբարը և հանդիպման է մասնակցում «Սուետայի» կազմում
15.11.2026 | 16:47
Ազգերի լիգա. Հայաստանի հավաքականի մեկնարկային կազմը Լատվիայի դեմ խաղում
15.11.2026 | 16:36
Դատավորների նկատմամբ քրեական հետապնդում է հարուցվել
15.11.2026 | 16:16
Նոյեմբերի 20-ից Սևանա լճում կարգելվի սիգի արդյունագործական որսը
15.11.2026 | 15:23
ՀՀ ԱԳՆ-ն շնորհավորել է Պաղեստինին Անկախության օրվա առթիվ․ արձագանքել է նաև Իրանի դեսպանությունը
Բոլորը

Տարածաշրջանում ապաէսկալացիայի վերաբերյալ ՌԴ առաջարկները Հայաստանն ու Ադրբեջանը վերցրել են «տնային մշակման», ՏԱՍՍ-ի հետ զրույցում ասել է ՌԴ ԱԳՆ ԱՊՀ երկրների չորրորդ դեպարտամենտի տնօրեն Դենիս Գոնչարը։

«Հուլիսի 25-ին Մոսկվայում Ռուսաստանի, Ադրբեջանի և Հայաստանի արտգործնախարարների մակարդակով վերջին շփումները տեղի են ունեցել Լեռնային Ղարաբաղում ստեղծված ծայրահեղ ծանր իրավիճակի ֆոնին։ Առանց զգայուն մանրամասներ հրապարակելու՝ կարող եմ ասել, որ մեր կողմը փոխզիջման առաջարկ է արել լարվածության ապաէսկալացիայի վերաբերյալ, որը կողմերը վերցրել են «տնային մշակման»։ Հուսով ենք, որ հումանիտար նկատառումները կգերազանցեն, հասարակ մարդկանց նկատմամբ հոգատարությունը կգերազանցի Բաքվի ու Երևանի միջև քաղաքական տարաձայնությունները»,- ասել է նա։

Ռուս դիվանագետը նշել է, որ Ռուսաստանը բոլոր փուլերում ակտիվորեն մասնակցել է ԼՂ հակամարտության կարգավորմանը և շարունակում է ակտիվ միջնորդական ջանքերը բոլոր ուղղություններով, ներառյալ՝ տարածաշրջանում տնտեսական և տրանսպորտային հաղորդակցությունների ապաշրջափակումը, հայ-ադրբեջանական սահմանի սահմանազատման գործընթացի մեկնարկը, Բաքվի ու Երևանի միջև խաղաղության պայմանագրի համաձայնեցումը, երկխոսության զարգացումը հանրային ներկայացուցիչների և փորձագետների ուղղությամբ։

Ինչ վերաբերում է Հարավային Կովկասում տնտեսական և տրանսպորտային հաղորդակցությունների ապաշրջափակմանը, Գոնչարն ասել է, որ այդ հարցերը մանրամասն քննարկվում են եռակողմ աշխատանքային խմբի միջոցով, որը համանախագահում են Ռուսաստանի, Ադրբեջանի և Հայաստանի փոխվարչապետները։ Վերջին հանդիպումը տեղի է ունեցել հունիսի 2-ին Մոսկվայում։

«Արդյունքներով կողմերը զգալի առաջընթաց ունեն Ադրբեջանի և Հայաստանի միջև տրանսպորտային հաղորդակցությունների ապաշրջափակման եղանակների համաձայնեցման հարցում, մասնավորապես, ձեռք է բերվել ընդհանուր փոխըմբռնում Երասխ-Ջուլֆա-Մեղրի-Հորադիզ երթուղու երկայնքով երկաթուղային հաղորդակցության վերականգնման և կազմակերպման կոնկրետ քայլերի իրականացման վերաբերյալ»,- ասել է Գոնչարը՝ նշելով, որ հուլիսի 25-ի ԱԳ նախարարների հանդիպմանն այդ թեման ևս շոշափվել է, ռուսական կողմն առաջարկել է աշխատանքը տեղափոխել նախագծային փուլ։

Ըստ նրա՝ ՌԴ-ն ձգտում է նրան, որ բոլոր պայմանավորվածությունները տվյալ ուղղությամբ լինեն հավասարաչափ։

«Կողմերից ոչ մեկը չպետք է ունենա այն զգացումը, որ ինչ-որ մեկն ավելին է ստացել: Տրանսպորտային հաղորդակցությունների ապաշրջափակումը, առաջինը՝ երկաթուղային հաղորդակցությունները, կօգնեն բացահայտել Հարավային Կովկասի հսկայական տնտեսական ներուժը և հզոր խթան կհաղորդեն եռակողմ աշխատանքի բոլոր մյուս ոլորտներին»,- հավելել է դիվանագետը։

Էմմա Չոբանյան