07.10.2026 | 22:05
Վրաստանի կրթության, գիտության և երիտասարդության նախարարի հետ քննարկվել են համագործակցության հեռանկարները
ԵՄ-ն ընդլայնում է Բելառուսի դեմ պատժամիջոցները
Քաղաքականություն
03.08.2023 | 21:37
Եվրամիության խորհուրդը նոր սահմանափակող միջոցներ է սահմանել Բելառուսի դեմ՝ Ուկրաինայում Ռուսաստանի ռազմական ագրեսիային մասնակցության պատճառով։ Այս մասին հայտնել է Եվրահանձնաժողովը։
Նշվում է, որ նոր սահմանափակող միջոցները կապահովեն Ռուսաստանի և Բելառուսի դեմ ԵՄ պատժամիջոցների ավելի սերտ համաձայնեցում և կնպաստեն, որ Մինսկը չկարողանա շրջանցել ռուսական պատժամիջոցները։
«Միջոցառումներն ընդլայնում են Բելառուս արտահանման արգելքը մի շարք շատ զգայուն ապրանքների և տեխնոլոգիաների նկատմամբ, որոնք նպաստում են Բելառուսի ռազմական և տեխնոլոգիական զարգացմանը»,- ասվում է հաղորդագրության մեջ։
ԵՄ խորհուրդը նաև լրացուցիչ արգելք է սահմանել հրազենի և զինամթերքի, ինչպես նաև ավիացիոն և տիեզերական արդյունաբերության մեջ օգտագործելու համար պիտանի ապրանքների և տեխնոլոգիաների արտահանման վրա։ Փոփոխությունները նաև ներդաշնակեցնում են Բելառուսի դեմ պատժամիջոցները՝ Ռուսաստանի դեմ պատժամիջոցների ռեժիմին համապատասխան։
«Այս սահմանափակող միջոցները ներդրվում են արագացված հիմունքներով՝ պայմանավորված որոշակի խիստ զգայուն ապրանքների և տեխնոլոգիաների շրջանցման դեմ պայքարի հրատապությամբ»,- հավելել է ԵՀ-ն։
Հուլիսի 26-ին ԵՄ երկրների դեսպանները համաձայնության էին եկել Բելառուսի դեմ պատժամիջոցների նոր փաթեթի շուրջ։ Ավելի ուշ լրատվամիջոցներին հայտնի դարձավ, թե կոնկրետ ինչ կարող է ներառվել Մինսկի դեմ պատժամիջոցների նոր փաթեթում։
