07.10.2026 | 19:34
«Բրա՛վո»․ Նիկոլ Փաշինյանն ընդդիմադիրների հետ ծափահարեց իր մոտալուտ հրաժարականի մասին դիտարկմանը. ՏԵՍԱՆՅՈՒԹ
Էրդողանի նախագահությամբ Թուրքիայի Բարձրագույն ռազմական խորհրդի նիստ է անցկացվել
Քաղաքականություն
03.08.2023 | 22:20
Անկարայում Թուրքիայի Բարձրագույն ռազմական խորհրդի նիստ է անցկացվել։ Թուրքական լրատվամիջոցների հաղորդմամբ՝ Ռեջեփ Թայիփ Էրդողանի նախագահությամբ մամուլի համար փակ ռեժիմով նիստը տևել է շուրջ 3 ժամ։
Նիստից առաջ խորհրդի անդամներն այցելել են Թուրքիայի Հանրապետության հիմնադիր Մուսթաֆա Քեմալ Աթաթուրքի դամբարան։ Նիստին մասնակցել են Թուրքիայի փոխնախագահ Ջևդեթ Յըլմազը, արդարադատության նախարար Յըլմազ Թունջը, արտաքին գործերի նախարար Հաքան Ֆիդանը, ֆինանսների նախարար Մեհմեդ Շիմշեքը, ներքին գործերի նախարար Ալի Երլիքայան, կրթության նախարար Յուսուֆ Թեքինը, ազգային պաշտպանության նախարար Յաշար Գյուլերը, ԳՇ պետի պաշտոոնակատար Մուսա Ավսևերը, ռազմածովային ուժերի հրամանատար Էրջումենթ Թաթլըօղլուն, ռազմաօդային ուժերի հրամանատար Աթիլլա Գյուլանը։
Նշվում է, որ քննարկվելիք գլխավոր թեմաներից մեկը ԳՇ պետի պաշտոնում նշանակվելիք անձի անունն է, քանի որ տեղը թափուր է նախկին ԳՇ պետ Յաշար Գյուլերի՝ ՊՆ ղեկավարի պաշտոնում նշանակվելուց հետո։ Այժմ ԳՇ պետի պարտականությունները կատարում է Մուսա Ավսևերը։
Էմմա Չոբանյան
