26.06.2026 | 22:33
Զինծառայողի մահվան դեպքի առթիվ նախաձեռնվել է քրեական վարույթ. ՔԿ
Ադրբեջանի կողմից առևանգված Վագիֆ Խաչատրյանին Բաքվում հարցաքննել են․ նրան մեղադրանք է առաջադրվել
Քաղաքականություն
03.08.2023 | 16:45
Ադրբեջանի կողմից առևանգված Վագիֆ Խաչատրյանը Բաքվում նախնական հարցաքննության է ենթարկվել։ Այս մասին տեղական լրատվամիջոցներին ասել է Ադրբեջանի գլխավոր դատախազի հատուկ հանձնարարություններով ավագ օգնական Իլգար Սաֆարովը։
«Առողջական վիճակից ելնելով՝ նա ենթարկվել է բժիշկների զննությանը։ Բուժզննումից հետո նրան տրամադրել են փաստաբան և թարգմանիչ։ Վագիֆ Խաչատրյանին մեղադրանք է առաջադրվել և կատարվել է նախնական հարցաքննություն։ Ներկայում նրա նկատմամբ կատարվում են այլ քննչական գործողություններ»,- ասել է Սաֆարովը։
Հիշեցնենք, որ Ադրբեջանը Լաչինի միջանցքում առևանգել էր բուժման նպատակով Կարմիր Խաչի ուղեկցությամբ Արցախից Հայաստան տեղափոխվող Վագիֆ Խաչատրյանին ու նրա նկատմամբ շինծու քրեական գործ հարուցել։ Հայաստանը դիմում է ներկայացրել Մարդու իրավունքների եվրոպական դատարան՝ Ադրբեջանի նկատմամբ միջանկյալ միջոց կիրառելու պահանջով։ ՄԻԵԴ-ը որոշում է կայացրել Ադրբեջանին մինչև օգոստոսի 8-ը ժամանակ տրամադրել՝ Վագիֆ Խաչատրյանի մասին տեղեկատվություն տրամադրելու համար:
Էմմա Չոբանյան
