06.06.2026 | 11:03
ՄԱԿ-ի Գլխավոր ասամբլեան միաձայն ընդունել է Հայաստանի ներկայացրած «Կրթություն հանուն խաղաղության» բանաձևը
Հնդկաստանը Սաուդյան Արաբիայում կմասնակցի Ուկրաինայի հարցով գագաթնաժողովին
Քաղաքականություն
03.08.2023 | 18:53
Հնդկաստանը կմասնակցի Ուկրաինայի պատերազմի խաղաղ կարգավորման վերաբերյալ միջազգային բանակցություններին, որոնք կանցկացվեն օգոստոսի 5-ին և 6-ին Սաուդյան Արաբիայում: Այս մասին հայտնել է Հնդկաստանի ԱԳՆ ներկայացուցիչը, փոխանցում է BBC-ի ռուսական ծառայությունը։
Նշվում է, որ Հարավային Կորեան նույնպես դիտարկում է Ջիդդայի գագաթնաժողովին մասնակցելու հնարավորությունը։
Սաուդյան Արաբիան և Ուկրաինան հանդիպմանը հրավիրել են մոտ 30 երկրների, այդ թվում՝ ԵՄ խոշորագույն պետություններին՝ ԱՄՆ-ին, Հնդկաստանին, Բրազիլիային, Ինդոնեզիայի, Եգիպտոսին, Մեքսիկային, Չիլիին և Զամբիային։
Ռուսաստանը չի հրավիրվել գագաթնաժողովին, քանի որ դրա հիմնական թեման լինելու է ուկրաինական խաղաղության բանաձևը, որը ենթադրում է Մոսկվայի կողմից գրավված տարածքների ազատագրման՝ Կրեմլի համար անընդունելի պահանջ։
Վաշինգտոնն ավելի վաղ հաստատել էր, որ բանակցություններին ներկա են լինելու ԱՄՆ պաշտոնյաները։
