Հրանտ-Լեոն Ռանոսն իր առաջին հարցազրույցն է տվել Մյոնխենգլադբախի «Բորուսիա» տեղափոխվելուց հետո

Հայաստանի հավաքականի հարձակվող Գրանտ Լեոնե Ռանոսն իր առաջին հարցազրույցն է տվել Մյոնխենգլադբախի «Բորուսիա» տեղափոխվելուց հետո և խոսել թիմի մթնոլորտից, մարզումներից։

«Առաջին շաբաթները շատ ինտենսիվ էին։ Ամեն օր նոր մարդկանց էի հանդիպում, շատ հուզիչ էր: Այստեղ կարծես ընտանիք լինի: Ես շատ լավ եմ հարմարվել իմ թիմակիցների հետ. մենեջերը և անձնակազմը շատ լավն են: Զգում ես ակումբի մեծությունը և նաև երկրպագուների կիրքը: Մենք գիտենք, թե որքան կարևոր է նրանց համար այս ակումբը: Ես հուզված եմ, ինչպես երբևէ, «Բորուսիայում» լինելու համար և կարող եմ զգալ այդ ամենը»,-ասել է Ռանոսը։

Ռանոսը պատմել է նաև մարզումների ու արդեն իսկ գրանցած հաջողությունների մասին։

«Յուրաքանչյուր մարզման ընթացքում իսկապես նոր բան ես սովորում: Մարզչական շտաբն ու թիմակիցներս ինձ շատ են օգնում և միշտ բարեհամբույր կերպով լսում են, երբ ես հարց ունեմ։ Ընդհանուր առմամբ, նախապատրաստական աշխատանքները շատ լավ են անցել։ Մենք հաղթել ենք բոլոր ընկերական խաղերում, բացի մեկ ոչ-ոքիից: Մենք որպես թիմ ավելի ու ավելի լավն ենք դառնում»:

Վերջինս նաև պատմել է թիմակիցների հետ շփումների մասին։

«Ուսումնամարզական հավաքը միանշանակ մերձեցրեց մեզ։ Միասին սնվելու ընթացքում բազմաթիվ խոսակցությունները, խաղադաշտում և դրանից դուրս վարժությունները օգնել են մեզ բոլորիս ավելի լավ ճանաչել միմյանց»,- պատմել է Ռանոսը:

Ռանոսը անդրադարձել է նաև մենենջեր Ջերարդո Սեոնեի հետ աշխատանքին։ «Նա միշտ շատ գործնական է և սիրում է շփումը: Բացի այդ, նա ունի անկաշկանդ պահվածք, շատ է ծիծաղում և սիրում է կատակել խաղացողների հետ: Նրա գլխավորությամբ մինչմրցաշրջանը շատ ինտենսիվ է եղել, և մենք որպես թիմ մեծ առաջընթաց ենք գրանցել»,- պատմել է Ռանոսը։