13.01.2025 | 09:15
Վաչագան Ղազարյանի գործով դատական նիստը` ՈՒՂԻՂ
Ես խնդիր չեմ տեսնում, այդտեղ վարչական ռեսուրսի օգտագործում չկա. Հովակիմյանը` FIP-ի ձայնագրության մասին․ ՏԵՍԱՆՅՈՒԹ
Քաղաքականություն
03.08.2023 | 15:19
Այդ ձայնագրությունը լսել եմ, այնտեղ զանգահարողը ներկայանում է որպես Գևորգ Պապոյանի օգնական, և իմ տպավորությամբ, ըստ էության, այդ խոսակցության ընթացքում մյուս կողմում գտնվող զրուցակիցները սկսում են ինչ-որ հանձնարարություններ ստանալ: Այս մասին այսօր՝ օգոստոսի 3-ին հրավիրված մամուլի ասուլիսի ժամանակ նշեց ԿԸՀ նախագահ Վահագն Հովակիմյանը՝ անդրադառնալով դիտարկմանը, որ «Փաստերի ստուգման հարթակը» (FIP) -ը հրապարակել էր նյութ՝ «ՔՊ-ն, այլ համայնքների վարչական ռեսուրսն օգտագործելով, ձայներ է հավաքում Ավինյանի համար» վերնագրով, նաև ձայնագրություններ՝ համայնքների ղեկավարների մասնակցությամբ:
«Ես կարող եմ մի բան ասել, զուտ ձայնագրությամբ վարչական ռեսուրսի չարաշահման փաստ չի եղել; Բայց դա իմ կարծիքն է, ընդամենը: Սա ԿԸՀ-ի իրավական դիրքորոշումը չէ: Եթե լինի դիմում բողոք, որը փաստարկված կներկայացնի, թե ինչ վարչական ռեսուրսի օգտագործում է տեղի ունեցել, ԿԸՀ-ն կքննարկի և կտա իրավական գնահատական: Նման դիմում բողոք հիմա չկա»,- նշեց Հովակիմյանը՝ հավելելով՝ ես խնդիր չեմ տեսնում, այդտեղ վարչական ռեսուրսի օգտագործում չկա.
Նշենք, որ Երևանի վագանու ընտրությունները նշանակված են սեպտեմբերի 17-ին: Այսօրվանից սկսվել է կուսակցությունների առաջադրումը:
Մանրամասները՝ տեսանյութում։
