26.06.2026 | 19:34
Մարտի 1-ին մի քանի մահ եղել է «Չերյոմուխա»-ի սխալ օգտագործումից. Լևոն Քոչարյան. ՏԵՍԱՆՅՈՒԹ
Հայաստանում ՄԱԿ-ի գրասենյակի և ՄԱԿ-ի գործակալությունների ներկայացուցիչներն այցելել են Կոռնիձորի սահմանային հատված․ ՏԵՍԱՆՅՈՒԹ
Քաղաքականություն
03.08.2023 | 15:07
Հայաստանում ՄԱԿ-ի գրասենյակի և ՄԱԿ-ի գործակալությունների ներկայացուցիչների այցը Կոռնիձորի սահմանային հատված քիչ առաջ ավարտվեց։ ՀՀ իշխանության ներկայացուցիչները միջազգային գործընկերներին ներկայացրին իրավիճակը, ցույց տալով, թե ինչպես արդեն ավելի քան 1 շաբաթ հումանիտար օգնությամբ բեռնատար մեքենաները չեն կարողանում հասնել ԼՂ։ ՄԱԿ-ի գրասենյակի ներկայացուցիչը լրագրողների հետ զրույցում մեջբերեց ՄԱԿ-ի գլխավոր քարտուղար Անտոնիու Գուտերեշի հայտարարությունը, նշելով՝ ցավոք, այս պահին ավելացնելու ոչինչ չունի։
Հիշեցնենք՝ ՄԱԿ-ի գլխավոր քարտուղարի պաշտոնական ներկայացուցչի տեղակալը երեկ հայտարարել էր, որ Անտոնիո Գուտերեշը մտահոգ է Լաչինի միջանցքով տեղաշարժի ազատության հետ կապված խնդիրների վերաբերյալ հաղորդումներով:
«Գլխավոր քարտուղարը խորապես մտահոգված է Լաչինի միջանցքով տեղաշարժի ազատության հետ կապված` շարունակվող խնդիրների մասին հաղորդագրություններով: Գլխավոր քարտուղարը հիշեցնում է Միջազգային դատարանի դրույթների անշեղորեն կատարման անհրաժեշտության մասին իր նախորդ հայտարարությունը: Նա հատկապես մտահոգված է տեղում հումանիտար իրավիճակի վատթարացմամբ և կոչ է անում հրատապ միջոցներ կիրառել` կարիքավորներին հումանիտար օգնության մատակարարման հասանելիությունն ապահովելու համար: Գլխավոր քարտուղարը կողմերին կոչ է անում ակտիվացնել ջանքերը հարաբերությունների երկարաժամկետ կարգավորման ուղղությամբ` ի շահ տարածաշրջանում անվտանգության ու խաղաղության»,- ասված է հայտարարության մեջ:
