15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Արցախցիները պետք է գնան և օդանավակայանը վերցնեն ռուսների ձեռքից․ Ժիրայր Սեֆիլյան․ ՏԵՍԱՆՅՈՒԹ
Տեսանյութեր
03.08.2023 | 14:52
«Ես կարծում եմ, որ այսուհետ Արցախի իշխանություններին որևէ բան առաջարկելն անիմաստ է։ Նրանք գերակատարել են իրենց պլանը՝ ոչ միայն երեսուն տարվա ընթացքում թույլ չտալով՝ Արցախը վերածվի անառիկ ամրոցի, ինքնաբավ դառնալուն, այլև թուլ չեն տվել Արցախում կես միլիոնից ավելի բնակչություն ապրի։ Հատուկ քաղաքականություն են վարել, որ այդ ամենը չլինի»,- այս մասին Ազատության հրապարակում լրագրողների հետ զրույցում հայտարարեց Ազգային-ժողովրդավարական Բևեռի խորհրդի անդամ Ժիրայր Սէֆիլյանը։
Անդրադառնալով դիտարկմանը, որ Արցախում նախապատրաստվում են խաղաղ ակցիա իրականացնել՝ երթով դեպի Հակարի կամուրջ գնալ, Սեֆիլյանը դա սխալ և վտանգներով լի քայլ համարեց։
«Երթով Հակարի կամուրջ գնալու փոխարեն մենք առաջարկում ենք Արցախի ժողովրդի ներուժը կենտրոնացնել օդանավակայանի վրա, պետք է գնալ, օդանավակայանը վերցնել ռուսների ձեռքից, պետք է օդանավակայանից SOS բարձրաձայնել։ Հենց այնտեղից ճիշտ դիմումներ պիտի հղվեն աշխարհին և հասցեական կարևորագույն պետություններին՝ ԱՄՆ-ին և Ֆրանսիային։
Սակայն այս բոլորից առաջ գլխավոր անելիքը պետք է լինի ամբողջ ժողովրդին զինելը։
Տեսախցիկների առաջ ահել ու ջահել՝ զենքը ձեռքին պետք է խոսք ասի, որ մենք պատրաստ ենք պահել մեր սուրբ հողը։
Իսկ այն, ինչ արվում է հիմա, շատ վտանգավոր է․․․ Եթե արևմուտքից չկա երաշխիք, որ այդ ակցիան կանցնի խաղաղ, ապա դա շատ վտանգավոր է»։
Մանրամասները՝ տեսանյութում։
