14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
ՌԴ-ն Նորվեգիան ներառել է «ոչ բարեկամ երկրների» ցուցակում
Քաղաքականություն
03.08.2023 | 18:03
ՌԴ-ն Նորվեգիան ներառել է արտասահմանում Ռուսաստանի դիվանագիտական և հյուպատոսական ներկայացուցչությունների նկատմամբ ոչ բարեկամական գործողություններ իրականացնող պետությունների ցանկում։ Այս մասին հայտնել է ՌԴ կառավարությունը, փոխանցում է Currenttime.tv-ն։
Նշվում է, որ որոշումն ընդունվել է ՌԴ նախագահի 2021 թվականի ապրիլի 23-ի հրամանագրի շրջանակում։ Այս ցանկի երկրները սահմանափակում են Ռուսաստանում իրենց աշխատակիցների թիվը, որոնք կարող են աշխատել դիվանագիտական առաքելություններում։ Նոր կարգի համաձայն՝ Նորվեգիան կունենա 27 անձի սահմանաչափ։
Նախկինում այս երկրների ցանկում ներառվել էին Չեխիան, ԱՄՆ-ը, Հունաստանը, Դանիան, Սլովենիան, Խորվաթիան, Սլովակիան։
Ռուսաստանում կա նաև «ոչ բարեկամ երկրների» մեկ այլ ցուցակ։ Այն սկսել է համալրվել 2022 թվականի գարնանը՝ Ռուսաստանի Դաշնության դեմ պատժամիջոցների սահմանումից հետո։
Այս տարվա ապրիլին Նորվեգիան անցանկալի անձ է ճանաչել ռուսական դեսպանատան 15 աշխատակցի, որոնը, ըստ երկրի ԱԳՆ-ի, զբաղվել են իրենց դիվանագիտական կարգավիճակին անհամատեղելի հետախուզական գործունեությամբ։ Ի պատասխան՝ Ռուսաստանը վտարել էր երկրից 10 նորվեգացի դիվանագետի։
Էմմա Չոբանյան
