24.07.2026 | 23:45
Գագիկ Ծառուկյանի նկատմամբ նոր հանրային քրեական հետապնդում է հարուցվել. փաստաբան
Կրեմլը հայտնում է, որ Էրդողանն ու Պուտինը պայմանավորվել են հանդիպել, սակայն վայրը դեռ որոշված չէ
Քաղաքականություն
03.08.2023 | 15:54
ՌԴ-ի և Թուրքիայի նախագահներ Վլադիմիր Պուտինը և Ռեջեփ Թայիփ Էրդողանը հեռախոսազրույցում հաստատել են, որ ակնկալում են մոտ ժամանակներս անձամբ հանդիպել։ Այս մասին հայտնել է Կրեմլի խոսնակ Դմիտրի Պեսկովը, գրում է ՌԻԱ Նովոստին։
«Ընդհանուր առմամբ, նախագահները հաստատել են շուտով հանդիպելու իրենց մտադրությունը, սակայն հանդիպման վայրն ու ժամկետները հետագայում համաձայնեցվելու են դիվանագիտական ուղիներով»,- ասել է Պեսկովը։
Հիշեցնենք, որ նախօրեին տեղի է ունեցել Պուտինի և Էրդողանի հեռախոսազրույցը։ Թուրքական կողմը զրույցի վերաբերյալ տարածած հաղորդագրության մեջ նշել է, որ պայմանավորվել են Պուտինի Թուրքիա այցի շուրջ։
Ավելի վաղ Էրդողանը մի քանի անգամ հայտարարել էր, որ օգոստոսին սպասվում է Վլադիմիր Պուտինի այցը Թուրքիա։ Սակայն ռուսական կողմն այս մասին չի շտապում հայտարարել։ Նախօրեի հեռախոսազրույցի հաղորդագրության մեջ էլ ասվում է, որ երկու ղեկավարները պայմանավորվել են «շարունակել շփումները տարբեր մակարդակներում, այդ թվում՝ հնարավոր հանդիպման նախապատրաստման համատեքստում»։
Էմմա Չոբանյան
