07.10.2026 | 23:48
Արթուր Դանիելյանը կալանավորվեց
Կիևում հայտնել են, որ Ղրիմի կամրջի երկու միջադեպերին մասնակցել են ուկրաինական հատուկ ծառայությունները
Քաղաքականություն
03.08.2023 | 17:25
Ուկրաինայի Ազգային անվտանգության և պաշտպանության խորհրդի քարտուղար Ալեքսեյ Դանիլովը հայտնել է, որ Ղրիմի կամրջի երկու պայթյուններին էլ մասնակցել են ուկրաինական հատուկ ծառայությունները։
«Մեր զինվորականները տեղն են դնում մի շարք օբյեկտների անձեռնամխելիությունը, որոնք Ռուսաստանում համարվում էին 100 տոկոս պաշտպանված։ Դա նաև Ղրիմի կամուրջն է, որի մասին նշել են մեր անվտանգության ծառայության ներկայացուցիչները, որոնք էլ մասնակցել են և՛ առաջին, և՛ երկրորդ դեպքերին»,- Strana․ua-ի փոխանցմամբ՝ այս մասին ասել է Դանիլովն ուկրաինական հեռուստաընկերության եթերում։
Ուկրաինայի անվտանգության ծառայության ղեկավար Վասիլի Մալյուկն էլ հուլիսին առաջին անգամ բացահայտ խոստովանել էր, որ 2022 թվականի հոկտեմբերին Ղրիմի կամրջի վրա տեղի ունեցած պայթյունն ուկրաինական հատուկ ծառայության ձեռքի գործն է։
Էմմա Չոբանյան
