13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
Ղրիմի վրա հարձակումների պատճառով Կրեմլը վախենում է խուճապից․ ISW
Քաղաքականություն
03.08.2023 | 14:43
Ռազմական թղթակիցների վարքագիծը ցույց է տալիս, որ ռուսական իշխանությունները, հնարավոր է, արգելել են իրենց ենթակայության տակ գտնվող լրագրողներին ու բլոգերներին լուսաբանել Ղրիմի վրա հարձակումները՝ խուճապի առաջացման վտանգի պատճառով։ Այս մասին ասվում է Պատերազմի ուսումնասիրության ամերիկյան ինստիտուտի (ISW) վերլուծաբանների զեկույցում, գրում է DW-ի ռուսական ծառայությունը։
Մասնավորապես, որոշ «ռազմական բլոգերներ» քննադատության են ենթարկել այլ «ռազմական լրագրողներին, որոնք հրապարակել են Սևաստոպոլի մերձակայքում և Ղրիմի Չոնգար կամրջին հարվածների հետևանքով առաջացած ավերածությունների լուսանկարները:
Ինստիտուտը ենթադրում է, որ այդ ռազմական բլոգերներն իրականացրել են Կրեմլի հրամանը՝ արհեստականորեն սահմանափակելու Ղրիմում տեղի ունեցող իրադարձությունների մասին տեղեկատվության հոսքը։ Իսկ Ղրիմը լարվածության կետ է դարձել ռուսական տեղեկատվական տարածքում, քանի որ այնտեղ տեղի ունեցող իրադարձությունները կարող են կասկածներ սերմանել, թե ռուսական բանակն ի վիճակի է պաշտպանել այն տարածքները, որոնք իրենն է համարում։
Զեկույցում ասվում է, որ ռուս ռազմական բլոգերների զուսպ արձագանքը Ղրիմի վրա վերջին հարվածներին կտրուկ հակասում է Մոսկվայի վրա անօդաչուների հարվածներին նրանց արձագանքին։ Ըստ ինստիտուտի վերլուծաբանների՝ դա, հնարավոր է, կապված է այն բանի հետ, որ ռուսական իշխանությունները չեն ցանկանում վատ լույսի ներքո ներկայացնել ՌԴ ԶՈՒ ԳՇ պետ Վալերի Գերասիմովին, որը պատասխանատու է Ղրիմի պաշտպանության համար։
Էմմա Չոբանյան
