15.09.2026 | 21:45
Եվրոպան Հայաստանին ցույց տվեց, որ կարող է լինել հուսալի գործընկեր՝ ոչ միայն խոսքով․ Բոգդան Զդրոևսկին՝ ԵԽ-ում քվեարկության մասին
Ռուսաստանը պատրաստ է կռվել ևս 2-3 տարի. Bild-ի անդրադարձը
Քաղաքականություն
03.08.2023 | 14:09
Ռուսաստանը կունենա բավականաչափ մարտական ուժ՝ ռազմական գործողությունները ևս 2-3 տարի շարունակելու համար։ Անհրաժեշտության դեպքում, Կրեմլը կարող է բանակը հասցնել 3 միլիոնի, գրում է գերմանական Bild հրատարակությունը՝ վկայակոչելով Գերմանիայի դաշնային կառավարության անանուն փորձագետներին։
Ըստ պարբերականի՝ անցյալ տարվա աշնանը ռազմաճակատում կորուստները փոխհատուցելու և ուժերը կայունացնելու նպատակով ՌԴ-ն արդեն իրականացրել է, այսպես կոչված, մասնակի զորահավաք՝ ռազմաճակատ ուղարկելով 300.000 պահեստազորի։
Գերմանիայում կարծում են, որ ՌԴ-ում զինապարտների տարիքային շեմի բարձրացմամբ կարող են ԶՈՒ-ում ներգրավվել ավելի քան 2 միլիոն պահեստազորայիններ՝ զորակոչելով անգամ պահեստազորում գտնվող մինչև 70 տարեկան սպաներին։
«Եթե ռազմական գործողությունների ժամանակ Ռուսաստանի Դաշնության բարձրագույն ռազմական հրամանատարությունն անհրաժեշտ համարի, ապա, այսպես կոչված, «Հյուսիսային ռազմական օկրուգում» ներգրավված զինվորականների թիվը կարող է հասնել անգամ 3 միլիոնի։ Այսպիսով, ՌԴ-ն կկարողանա ունենալ ավելի շատ զինվորներ, քան Չինաստանի Ժողովրդական ազատագրական բանակը, որում կա 2,035,000 մարդ և 510,000 պահեստային։ Այդ պատճառով Մոսկվան պատրաստ է պայքարել ևս 2-3 տարի»,- ասել է աղբյուրը։
