26.06.2026 | 20:56
Խորվաթիան վերահաստատել է աջակցությունը ԵՄ-ի հետ ՀՀ խորացող գործընկերությանը. տեղի է ունեցել Սաֆարյան-Մատուշիչ հանդիպում
Թրամփը հայտարարել է, որ իրեն սպառնում է ավելի քան 500 տարվա ազատազրկում
Քաղաքականություն
03.08.2023 | 11:20
ԱՄՆ նախկին նախագահ Դոնալդ Թրամփը հայտարարել է, որ իրեն սպառնում է ընդհանուր առմամբ 561 տարվա ազատազրկում՝ իր դեմ առաջադրված մեղադրանքների շրջանակներում։ Այս մասին նա գրել է իր նախընտրական արշավի դոնորներին ուղղված նամակում, հայտնում է The Hill-ը։
«Արդարադատության նախարարությունը կրկին ապօրինի մեղադրանք է առաջադրել ձեր հնազանդ ծառային. ըստ առկա տեղեկությունների՝ ձախերի կողմից հայտարարված վհուկների որսի արդյունքում ինձ սպառնում է 561 տարվա ազատազրկում։ Դա վեց կյանք է»,- ասել է Թրամփը։
Պարբերական նաև հիշեցնում է, որ ԱՄՆ-ում ամբաստանյալները հազվադեպ են դատապարտվում ազատազրկման առավելագույն ժամկետների, իսկ տարբեր հանցագործությունների համար ժամկետներ կարող են լինել զուգահեռ, ինչի արդյունքում կկրճատվի դատապարտյալի՝ բանտում անցկացրած ընդհանուր ժամանակը։
Հիշեցնենք, որ նախօրեին Թրամփին նոր մեղադրանք էր առաջադրվել 2020 թվականի ընտրությունների արդյունքները չեղարկելու փորձի մեջ։
Հունիսին ԱՄՆ Արդարադատության նախարարությունը հրապարակել էր 37 կետից բաղկացած մեղադրանք Թրամփի դեմ՝ գաղտնի փաստաթղթերի սխալ օգտագործման համար: Ապրիլին էլ ԱՄՆ նախկին նախագահին մեղադրանք էր առաջադրվել 34 կետով։
