16.01.2026 | 09:26
Միջպետական և հանրապետական նշանակության ավտոճանապարհները բաց են
Ռուսաստանը սննդամթերքը ցինիկաբար օգտագործում է որպես զենք․ Բորել
Քաղաքականություն
03.08.2023 | 12:18
Կարիքավոր երկրներին ցածր գներով հացահատիկ առաջարկելով՝ Ռուսաստանը նոր կախվածություններ է ստեղծում և խաղում համաշխարհային պարենային անվտանգության դեմ։ Այս մասին ասված է Եվրամիության արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելի նամակում, որն ուղարկվել է զարգացող 20 երկրների կառավարություններին, գրում է DW-ի ռուսական ծառայությունը։
«Մինչ ամբողջ աշխարհը պայքարում է մատակարարման խնդիրների և գների աճի դեմ, Ռուսաստանն ամենախոցելի երկրներին առաջարկում է հացահատիկի իջեցված գներով վաճառքի երկկողմ համաձայնագրեր և ձևացնում է, թե լուծում է այն խնդիրը, որն ինքն է ստեղծել»,- ասել է Բորելը։
Նա Մոսկվայի գործողություններն անվանել է «ցինիկ քաղաքականություն, որտեղ սննդամթերքը միտումնավոր օգտագործվում է որպես զենք՝ նոր կախվածություններ ստեղծելու համար»:
