07.10.2026 | 23:19
Հայաստանը ՄԱԿ-ում ընդգծել է զարգացող երկրների համար միջազգային աջակցության և ֆինանսավորման կարևորությունը
Մարդիկ օգոստոսի 2-ին սպառել են Երկրի տարեկան ռեսուրսները
Քաղաքականություն
02.08.2023 | 21:57
2023 թվականի օգոստոսի 2-ին մարդիկ սպառել են վերականգնվող բնական ռեսուրսների պայմանական պաշարները։ Այս մասին հայտնել է ամերիկյան «Global Footprint Network» բնապահպանական կազմակերպությունը։ Արդյունքում օգոստոսի 2-ն ամերիկացի բնապահպանների կողմից հայտարարվել է որպես 2023 թվականի էկոլոգիական պարտքի համաշխարհային օր, գրում է DW-ի ռուսական ծառայությունը։
Իր հաշվարկներում GFN-ը համեմատում է մարդու էկոլոգիական հետքը (մարդու կողմից վերականգնվող ռեսուրսների սպառումը) կենսակարողությունների հետ (մոլորակի կարողությունը՝ վերականգնելու և կլանելու թափոնները, ներառյալ CO2-ը):
Փորձագետները նշում են, որ եթե Երկրի վրա բոլոր մարդիկ ապրեն նույնքան վատնողական կենսակերպով, որքան Գերմանիայում, ապա էկոլոգիական պարտքի օրը կգար մայիսի 4-ին։
Նախորդ տարի մարդիկ սկսել են ապրել «էկոլոգիական վարկով» 5 օր ավելի շուտ՝ հուլիսի 28-ին։ Առաջին հայացքից թվում է, թե մարդիկ 2023-ին ավելի քիչ ռեսուրսներ են օգտագործել, քան 2022-ին, սակայն GFN-ի բնապահպանները շեշտում են, որ սա միայն թվացյալ առաջընթաց է:
GFN-ի ներկայացուցիչ Ամանդա Դիփն ասել է, որ իրավիճակը չի փոխվում արդեն գրեթե մեկ տասնամյակ։ Նա նշել է, որ վերջնական պարզ չէ, թե ինչ ազդեցություն է ունեցել տնտեսական ակտիվության անկումը, որը պայմանավորված է կորոնավիրուսային համաճարակով կամ այլ պատճառներով։
Էմմա Չոբանյան
