02.11.2024 | 19:00
Ժողովրդին տալիս են հաց և հանդես ու քանդում են Երևանը, ուղեղները թամաշաներից մթագնել է. Տեր-Գաբրիելյան. ՏԵՍԱՆՅՈՒԹ
Վարշավան Մինսկին մեղադրում է Լեհաստանի և ՆԱՏՕ-ի դեմ սադրանքի համար
Քաղաքականություն
02.08.2023 | 20:15
Լեհաստանի Պաշտպանության նախարարությունը Բելառուսի ուղղաթիռների կողմից Լեհաստանի օդային տարածքի խախտումը դիտարկում է որպես միտումնավոր սադրանք Վարշավայի և ՆԱՏՕ-ի արևելյան թևի դեմ, գրում է DW-ի ռուսական ծառայությունը։
«Սա չափազանց վտանգավոր է։ Եթե նման իրավիճակները շարունակեն տեղի ունենալ և մեծացնել լարվածությունը, ապա հնարավոր սպառնալիքին մեր պատասխանը կլինի համաչափ»,- Լեհաստանի ռադիոյին տված հարցազրույցում նախազգուշացրել է երկրի պաշտպանության փոխնախարար Վոյցեխ Սկուրկևիչը։
Վարշավայի ռազմական գերատեսչությունն օգոստոսի 1-ի երեկոյան մանրակրկիտ ստուգումից հետո հաստատել է, որ նույն օրն առավոտյան Բիալովեզա շրջանում Լեհաստանի օդային տարածքով թռել են հարևան Բելառուսի մարտական ուղղաթիռները։
