26.06.2026 | 13:42
Մհեր Գրիգորյանը ԱՄՆ Անկախության օրվա միջոցառմանը խոսել է հայ-ամերիկյան հարաբերությունների և ԹՐԻՓՓ նախագծի մասին
Ադրբեջանի ԶՈՒ-ն ևս երկու զինծառայողի կորուստ ունի
Քաղաքականություն
02.08.2023 | 23:14
Ադրբեջանի ԶՈւ-ում ոչ մարտական պայմաններում հերթական կորուստներն են գրանցվել։ Ադրբեջանական լրատվամիջոցները հայտնում են, որ Շամխորի շրջանում ճանապարհատրանսպորտային պատահարի հետևանքով զինծառայող է զոհվել։
Նշվում է, որ օգոստոսի 2-ին՝ ժամը 06:00-ի սահմաններում, Բաքու-Ղազախ-Վրաստանի պետական սահման հատվածում, որն անցնում է Շամխորի շրջանով, Էլնուր Մուստաֆաևի վարած Mercedes-Benz-ը բախվել է ВАЗ մակնիշի ավտոմեքենային, որը վարել է Ֆահրադդին Բադիրովը։ Արդյունքում երկու մեքենաների ուղևորները՝ Ջեյհուն Աղարզաևը (ծնված 1984 թ.) և Ջամիլյա Բադիրովան (ծնված 1965 թ.) տեղում մահացել են։ Ջեյհուն Աղարզաևը զինվորական է եղել։
Բացի այդ, մեկ զինծառայող էլ խեղդվել է։ Մասնավորապես, Աղսուի շրջանում լճում խեղդվել է 20-ամյա Գամբար Ալիևը։ Նրա մարմինն առավոտյան փոխանցվել է ընտանիքին։ Հաղորդվում է, որ նա արձակուրդում էր։
Հավելենք, որ Կասպյան պաշտպանական հետազոտությունների ինստիտուտի տվյալներով՝ հունվարից Ադրբեջանի ԶՈՒ-ում 44 զինծառայողի կորուստ է եղել։ Նրանից 17-ն ինքնասպանություն է գործել, 35-ը՝ մահացել ոչ մարտական պայմաններում։
Էմմա Չոբանյան
