15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Սերդար Քըլըլչն անդրադարձել է հայկական լոբբիի ճնշմամբ Disney Plus-ի կողմից «Աթաթուրք» սերիալի ցուցադրության չեղարկմանը
Քաղաքականություն
02.08.2023 | 17:44
Հայաստան-Թուրքիա հարաբերությունների կարգավորման գործընթացքում թուրքական կողմի հատուկ բանագնաց Սերդար Քըլըչն անդրադարձել է Disney Plus հարթակի կողմից «Աթաթուրք» սերիալի չեղարկման մասին լուրերին։
«Այն մտածողությունը, որ Երևանում կանգնեցրեց, այսպես կոչված, «Նեմեսիս» հուշարձանը՝ վնասելու Թուրքիա-Հայաստան հարաբերությունների կարգավորման գործընթացին, նույն այն մտածելակերպն է, որը ճնշում է գործադրել Disney+-ի «Աթաթուրք» հեռուստասերիալի վրա: Ես չեմ ընդունում այս ապակառուցողական մտածելակերպին հանձնվելը՝ կառուցողական ջանքերին աջակցելու փոխարեն»,- գրել է Քըլըչը թվիթերյան իր էջում։
Հավելենք, որ մի քանի օր է՝ թուրքական լրատվամիջոցները տեղեկություններ են տարածում, որ Disney Plus-ն ԱՄՆ-ի հայկական լոբբիի ճնշման պատճառով չեղարկել է իր իսկ կողմից նկարահանված «Աթաթուրք» սերիալի ցուցադրությունը։ Թուրքիայի Հանրապետությանն ու Մուստաֆա Քեմալ Աթաթուրքին նվիրված սերիալը, ըստ լուրերի, ցուցադրվելու է ֆիլմի տեսքով՝ թուրքական կինոթատրոններում։
Disney-ը տարածվող լուրերի վերաբերյալ պաշտոնական հայտարարություն չի արել։
Էմմա Չոբանյան
