26.06.2026 | 15:10
ՔՊ-ից Ալխաս Ղազարյանը՝ ԱԺ փոխնախագահի պաշտոնի հավակնորդ // Ադրբեջանից բենզին ու դիզվառելիք է գալիս ՀՀ․ ԼՈՒՐԵՐ
Զախարովան` Լաչինի միջանցքն անհապաղ բացելու, Վագիֆ Խաչատրյանի առևանգման, Եվլախում Բաքու-Ստեփանակերտ հանդիպման մասին
Քաղաքականություն
02.08.2023 | 16:17
Նման դեպքերը բարդացնում են իրավիճակը․ ամենշաբաթյա ճեպազրույցում այսպես է արձագանքել ՌԴ ԱԳՆ պաշտոնական ներկայացուցիչ Մարիա Զախարովան Ադրբեջանի կողմից Լաչինի միջանցքում 68-ամյա Վագիֆ Խաչատրյանի առևանգման մասին հարցին։
«Տեղի ունեցածն է՛լ ավելի է բարդացնում առանց այն էլ ոչ դյուրին, սակայն անհրաժեշտ փոխզիջումների, լուծումների որոնումը։ Դա բարդացնում է իրավիճակը։ Մենք լրիվ իրար հակառակ տեսակետներ ենք լսել հայկական և ադրբեջանական կողմերից։ Մենք ելնում ենք Ղարաբաղի հայերի իրավունքների և անվտանգության ապահովման կարևորությունից»,- ասել է Զախարովան։
Անդրադառնալով Արցախից հնչող հայտարարություններին, որ ռուսական կողմն առաջարկում է Բաքվի հետ բանակցությունների գնալ ադրբեջանական Եվլախ քաղաքում, նա նշել է, որ Ռուսաստանը նախապայմաններ առաջ չի քաշում։
«Մենք ողջունում ենք Բաքվի և Ստեփանակերտի միջև բանակցությունների մեկնարկը։ Այն գտնվում է շահագրգիռ կողմերի հետ մեր շփումների օրակարգում։ ՌԴ խաղաղապահները նախկինում օգնել են երկու պատվիրակությունների հանդիպումների կազմակերպման հարցում, պատրաստ են հետագայում էլ աջակցել։ Ռուսաստանը որևէ նախապայման առաջ չի քաշում, աշխատում է կողմերի մոտեցումների մերձեցման ուղղությամբ, որոնք տարբերվում են»,- նշել է Զախարովան։
Խոսելով Արցախում առկա հումանիտար աղետը մեղմելուն ուղղված քայլերի մասին՝ ՌԴ ԱԳՆ ներկայացուցիչն ասել է, որ աշխատանքներ են տարվում այդ ուղղությամբ։
«Մենք աշխատում ենք կողմերի հետ։ Մենք վերահաստատում ենք Լաչինի միջանցքն անհապաղ ապաշրջափակելու կոչը և ապահովելու նորմալ կենսապայմաններ տեղի բնակչության համար»,- նշել է Մարիա Զախարովան։
Էմմա Չոբանյան
