03.04.2026 | 00:12
Վարդան Ղուկասյանի որդու խափանման միջոցը փոխվել է. նա տնային կալանքի տակ է
Իրանի ՌԾՈՒ-ն վարժանքներ է անցկացնում ԱՄԷ-ի հետ վիճելի կղզիների տարածքում
Քաղաքականություն
02.08.2023 | 14:28
Իսլամական հեղափոխության պահապանների կորպուսի (ԻՀՊԿ) ռազմածովային ուժերը վարժանքներ են սկսել Պարսից ծոցում գտնվող իրանական Աբու Մուսա կղզու տարածքում, որի տարածքային պատկանելությունը վիճարկում է ԱՄԷ-ն, հայտնում է Tasnim-ը։
«Այսօր առավոտյան Իսլամական հեղափոխության պահապանների կորպուսի ռազմածովային ուժերը սկսել են Պարսից ծոցում իրանական կղզիների պաշտպանությունն ուժեղացնելու զորավարժությունները՝ հատուկ ուշադրություն դարձնելով Աբու Մուսա կղզուն»,- ասվում է հաղորդագրության մեջ։
Գործակալության տվյալներով՝ զորավարժությունները ներառում են տարբեր իրավիճակների ուսումնասիրություն այնպիսի ստորաբաժանումների կողմից, ինչպիսիք են օպերատիվ, մարտական, ռազմածովային, հրթիռային, անօդաչու, արագ արձագանքման և մի շարք այլ ստորաբաժանումները։
