16.05.2026 | 15:55
Շրջանառությունից դուրս է բերվել ապօրինի պահվող 825 միավոր զենք․ ՆԳՆ
Թրամփին նոր մեղադրանքներ են առաջադրել ընտրությունների արդյունքները կեղծելու փորձի համար
Քաղաքականություն
02.08.2023 | 11:15
ԱՄՆ Նախկին նախագահ Դոնալդ Թրամփին չորս ամսվա ընթացքում արդեն երրորդ մեղադրանքներն է առաջադրվել։ Այն կապված է 2020 թվականի ԱՄՆ նախագահական ընտրություններում պարտությունը շրջանցելու Թրամփի փորձերի հետ, գրում է VOA-ն։ Մեղադրանքներն առաջադրվել են ԱՄՆ հատուկ դատախազ Ջեք Սմիթի գլխավորած հետաքննության շրջանակներում։
Չորս կետից բաղկացած մեղադրական եզրակացությունում ասվում է, որ Թրամփը դավադրություն է կազմակերպել, որպեսզի Կոնգրեսը չհաստատի նախագահ Ջո Բայդենի հաղթանակը՝ ընտրողներին զրկելով արդար ընտրությունների իրավունքից: Հինգշաբթի օրը Թրամփը պետք է ներկայանա դաշնային դատարան։
Պաշտոնյաները վկայել են, որ Թրամփը ճնշում է գործադրել իրենց վրա՝ հիմնվելով ընտրողների կողմից ենթադրյալ համատարած կեղծիքների մասին կեղծ պնդումների վրա:
Մեղադրական կետերից երկուսի դեպքում օրենքը նախատեսում է մինչև 20 տարվա ազատազրկում։
Հիշեցնենք՝ Թրամփի կողմնակիցները ներխուժել են ԱՄՆ Կապիտոլիում 2021 թվականի հունվարի 6-ին՝ փորձելով թույլ չտալ Կոնգրեսին հաստատել Բայդենի հաղթանակը։
